सुनसरी । धरानमा यतीबेला एक घर एक डेङ्गु जस्तै भएको छ । धरानमा करिव ५९ प्रतिशत जनतामा डेङ्गु देखिएको बिज्ञहरु बताउछन । पछील्लो समय देशभरीनै डेङ्गु बढीरहदा डेङ्गु को हव जस्तै बनेकोछ धरान । बैशाख अन्तिम सातादेखिनै डेङ्गु सुरु भएको धरानमा यतीबेला जनताहरु आक्रान्त बनेका छन । धरानमा डेङ्गु सङ्क्रमितहरु गुणात्मक रुपमा बढी रहदापनी स्थानिय सरकारले केही गरेन भनेर आरोप आइरहदा धरान उपमहानगरपालिकाका उप्रप्रमुख आइन्द्र बिक्रम बेघा भने नगरका स्वास्थ्यकर्मीको टोली सहित हातमा औषधी बोकेर डेङ्गु टेस्ट गर्न बिहान बेलुकी जनताको घर घरमा पुगिरहेका छन । बेघा घर घरमा पुगेर सिटामोल लगायत औषधी वितरण गर्दै सुरक्षित रहने सल्लाह सुझाव दिदै संक्रमितलाई हौसला प्रदान गरिरहेका छन । उप प्रमुख आँफै जनताको घर घरमा पुगेर डेङ्गु टेस्ट गर्दा जनताहरु खुशी भएर धन्यवाद आशिर्वाद दिएका छन । यो अभियान हरेक वडा र टोल टोलमा निरन्तर चलिरहने उप प्रमुख बेघाले बताए ।
यसैगरी सोमबारबाट धरानमा निःशुल्क डेंगु ज्वरो परीक्षण सुरु भएको छ । बिहान १० बजेदेखी साझा ५ बजे सम्म चल्ने परीक्षण धरान – ८ स्थित धरान सभागृहमा सुरु भएको हो । डेंगुको आशंका भएका विरामीहरुको लागि धरान उपमहानगरपालिकाले निःशुल्क परीक्षण शिविर शुरु गरेको हो । आज जम्मा ६६ जनाले निःशुल्क डेंगु परिक्षण गराएकोमा ५० प्रतिशतमा अर्थात ३३ जनामा डेंगु भेटिएको थियो । शिविरमा ज्वरो आएका विरामीहरुलाई किटद्धारा डेंगु संक्रमण भएको हो कि होइन भनेर परीक्षण गरिएको हो । धरान छाताचोकमा रहेको पुरानो अस्पतालमा प्रदेश स्वास्थ्य मन्त्रालयसँगको समन्वयमा २५ बेडको अस्पताल आज मंगलबार देखि शुरु गर्ने तयारी भइरहेको स्वास्थ्य महाशाखा प्रमुख उमेश मेहताले जानकारी दिए ।
