विराटनगर : कोसी प्रदेशका नवनियुक्त मुख्यमन्त्री उद्धव थापाले शुक्रबार पद तथा गोपनीयताको शपथ लिएका छन् । नेपाली काङ्ग्रेसबाट मुख्यमन्त्री बनेका थापाले आज बिहान प्रदेश प्रमुख परशुराम खापुङसमक्ष शपथग्रहण गरेका हुन् ।
थापा बिहीबार काङ्ग्रेसका २९, नेकपा माओवादी केन्द्रका १२, नेकपा एकीकृत समाजवादीका चार, जनता समाजवादी पार्टीका एक र सभामुख बाबुराम गौतम गरी ४७ सांसदको समर्थनमा मुख्यमन्त्रीमा नियुक्त भएका हुन् ।
प्रदेश प्रमुख खापुङले संविधानको धारा १६८ को उपधारा (२) बमोजिम दुई वा दुईभन्दा बढी दलको तर्फबाट बहुमत पु¥याएका थापालाई मुख्यमन्त्रीमा नियुक्त गरेका थिए । यस्तै, ओखलढुङ्गाका सुनुवार र पाँचथरका जबेगु बिनाविभागीय मन्त्रीका रूपमा नियुक्त भएक हुन् । सरकार गठनका लागि समर्थन गरेको जसपा भने तत्काल सरकारमा नजाने भएको छ । कोसी नामकरणप्रति जसपाको असन्तुष्टि छ ।
चार दलीय गठबन्धनले सभामुखको हस्ताक्षरमा बहुमत पु¥याएर सरकार गठन गरेपछि कोसीको मुख्यमन्त्री नियुक्तिप्रति चौतर्फी आलोचना भइरहेको छ । एमालेले बिहीबार नै प्रदेश प्रमुखलाई ध्यानाकर्षण गराएका थिए ।
गत शुक्रबार प्रदेशसभाबाट विश्वासको मत लिन असफल भएपछि एमाले नेता हिक्मतकुमार कार्की नेतृत्वको सरकार ढलेको थियो ।
