मंसिर ४ गते,इनरुवा ।सुनसरीमा ६५ प्रतिशत मत खसेको छ ।
आइतबार भएको प्रदेश तथा प्रतिनिधिसभाको निर्वाचनमा सुनसरी जिल्लाकाे ४ वटै निर्वाचन क्षेत्रमा करीब६५ प्रतिसत मत खसेको हाे ।
प्रमुख जिल्ला अधिकारी इन्द्रदेव यादवले जिल्लाकाे ४ वटै निर्वाचन क्षेत्रमा करीब ६५ प्रतिसत मत खसेको जानकारी दिनुभयाे ।
‘ठ्याक्कै संख्यामा विवरण आउनका लागि राति १० बज्छ,’ प्रजिअ यादवले भने, ‘आइतबार राति नै सर्वदलीय बैठक बसेर आजैबाट मतगणना जारी हुन्छ ।’
प्रारम्भिक जानकारी अनुसार सुनसरी निर्वाचन क्षेत्र नं-१ मा ५६ प्रतिशत, सुनसरीक्षेत्र नं-२ मा ६० प्रतिशत, सुनसरी क्षेत्र नं-३ मा ६५ प्रतिशत र सुनसरी क्षेत्र नं-४ मा ६४ प्रतिशत मत खसेको प्रजिअ यादवले बताउनुभयाे ।
यादवका अनुसार जिल्लाभर कूल ५,४४,९४१ मतदाता छन् ।
सुनसरी -१ को मतगणना धरानस्थित सभागृहमा हुने ।त्यस्तै, सुनसरी क्षेत्र नं- २ को इनरुवास्थित शिक्षा तालिम केन्द्रमा, सुुनसरी क्षेत्र नं-३ को दुहबी कभर्डहलमा र सुनसरी क्षेत्र नं-४ को भगवती मावि इनरुवामा मतगणना हुने प्रजिअ यादवले बताउनुभयाे ।
