माघ ९ गते,इनरुवा । सुनसरीको सदरमुकाम इनरुवाक्षेत्रभित्र चलाइँदै आएका सिटी सफारी चालकहरुका लागि निःशुल्क आँखा जाँच शिविर प्रारम्भ गरिएको छ ।
दसवटै वडामा सोमबारबाट सुरु गरिएको आँखा शिविर इनरुवा नगरपालिका जनस्वास्थ्य शाखाको आयोजना तथा नवदृष्टि आँखा अस्पताल प्रा.लि.को प्राविधिक सहयोगमा प्रारम्भ गरिएको हो ।
जसअन्तर्गत सोमबार १ नं. वडाका सफारी चालकहरुका लागि सत्यनारायण मन्दिरको प्रांगणमा आँखा जाँत शिविर सम्पन्न गरिएको छ ।
उक्त शिविरमा इनरुवा नगरपालिका वडा नं–१का ७६ जना सफारी चालक तथा आम सर्वसाधारणले निःशुल्क आँखा जाँच गराएका छन् । उक्त शिविरमा १२ जनामा मोतिया बिन्दुको समस्या देखिएको र ति समस्या देखिएका सबैले इटहरीको नव दृष्टि आँखा अस्पताल प्रा.लिमा निःशुल्क सल्यकृयाका समेत गर्ने उक्त अस्पतालका डा.जितेन्द्र यादवले जानकारी दिनुभयो । उक्त शिविरमा निःशुल्क औषधी समेत बितरण गरिएको थियो । बढी समय सम्म सफारी चालकहरु घाम, धुलोमा सवारी चलाइरहेकोले आँखामा फोहोरहरु जाने समस्या बढी रहेको र समयमा आँखा जाँच नगराउँनाले कतिप सवारी चालकहरुको आँखा कम देख्ने, टाढाको वस्तुहरु हेर्न समस्या भएको डा.यादवले बताउनुभयो । डा. यादवले सबैले नियमित रुपमा ६ महिना वा १ वर्षमा आँखाको जाँच गराउन आग्रह समेत गर्नुभयो ।
शिविरमा सेवा लिएका सफारी चालकहरुले यस्ताखाले शिविरहरु बेलाबेलामा भइरहनुपर्नेमा जोड दिएका थिउ । आगामी दिनहरुमा आँखा मात्र नभई कान, घाँटी, मुटु तथा अन्य रोगहरुको समेत शिविर गराइदिए झनै सहज हुने बताएका थिए ।
उक्त शिविर इनरुवा नगरपालिकाको दशै वटा वडामा संचालन गर्ने इनरुवा नगरपालिका जनास्वास्थ्य शाखा प्रमुख अधिकृत निखिल पोखरेलले जानकारी दिनुभयो । सोमबारबाट इनरुवा नगरपालिका वडा नं–१ बाट उक्त शिविर संचालन गरेको र मंगलबार इनरुवा नगरपालिका वडा नं–२ गर्दै दश वटै वडामा सिटी सफारी चालकहरुलाई लक्षित गरि शिविर संचालन गरिने पोखरेलले जानकारी दिनुभयो ।
उक्त शिरिमा इनरुवा नगरपालिकाका मेयर केदार भण्डारीले आफ्नो मन्तव्य राख्दै आफु इनरुवाको विकास गर्न हरेक क्षेत्रलाई समेटेर अघि बढिरहेको बताउनुभयो । इनरुवा नगरपालिकामा आफु निर्वाचित भएर आएदेखि हाल सम्म धेरै कामहरु भएको मेयर भण्डारीले बताउनु भयो । वहाँले इनरुवाको विकासमा हरेक नागरवासीको साथ सहयोगको आवश्यकता रहेकोले सम्पूर्ण नगरवासीहरुले आ–आफ्नै स्थानबाट सहयोग पु¥याउन आग्रह समेत गनुभयो ।
