इनरुवा । सुनसरीको इनरुवामा पहिलो पटक विद्युतीय मोटरसाइकल सुपर सो सोरुम सञ्चालनमा आएको छ । 
शनिबार विश्वकर्मा पूजाको शुभ उपलक्ष्यमा शिव बाबा इन्टरप्राइजेजले इनरुवामा पहिलो पटक विद्युतीय मोटरसाइकल सुपर सो सोरुम सञ्चालनमा ल्याएको हो ।
एक कार्यक्रमको बिच इनरुवा नगरपालिकाकी उप–प्रमुख बिनीता कुमारी मेहताले दीप प्रज्वलन तथा रिबन काटेर उक्त सो रुमको उद्घाटन गरेकी थिइन् । 
शिव बाबा इन्टरप्राइजेज सुपर सो सोरुमका डाइरेक्टर अभिदेव मेहताले पूर्वाञ्चलमा पहिलो पटक इनरुवामा विद्युतीय मोटरसाइकलको सोरुम सञ्चालनमा ल्याएको जानकारी दिए ।
मेहताले विद्युतीय मोटरसाइकल, स्कुटरको विशेषता बताउँदै पेट्रोलियम पदार्थ बाट चल्ने मोटरसाइकल तथा स्कुटरको तुलनामा विद्युतीय मोटरसाइकल राम्रो रहेको जानकारी दिए । 
मेहताले पेट्रोलियम पदार्थ बाट चल्ने मोटरसाइकल तथा स्कुटर जस्तो महिना पिछे सर्भिसिुङ गर्ने झन्झट नभएको र विद्युतीय मोटरसाइकल तथा स्कुटरमा सर्भिसिङ गर्नुपरे पनि कम्प्युटरबाट मर्मत सम्हार सजिलै हुने भएकोले विद्युतीय मोटरसाइकलमा महिना महिनै सर्भिसिङिको तथा पेट्रोलियम पदार्थको खर्च बचाउन सक्ने जानकारी दिए ।
उक्त कार्यक्रममा इनरुवा नगरपालिकाकी उप प्रमुख बिनीता कुमारी मेहताले आफूबाट हुने सहयोग गर्ने बताउँदै शुभकामना मन्तव्य राखेकी थिइन् ।
कार्यक्रममा प्रमुख अतिथि इनरुवा नगरपालिकाकी उप प्रमुख बिनीता कुमारी मेहता, बिशिष्ट अतिथि इनरुवा नगरपालिकाका वडा नं २ का वडा अध्यक्ष विश्वनाथ ठाकुर, इनरुवा नगरपालिकाका वडा नं २ का निवर्तमान वडा अध्यक्ष सुरेन्द्र प्रसाद यादव, नेपाल नेपाल निजामती कर्मचारी सङ्गठनका अध्यक्ष चिनेश्वर मेहता लगायतको आतिथ्यता रहेको थियो भने शव बाबा इन्टरप्राइजेज सुपर सो सोरुमका डाइरेक्टर अभिदेव मेहताको अध्यक्षतामा कार्यक्रम सम्पन्न भएको थियो ।
