काठमाडौं । भारतका चर्चित हाँस्य कलाकार राजु श्रीवास्तवको स्वास्थ्य अवस्था चिन्ताजनक देखिएको छ । भारतीय सञ्चारमाध्यमका अनुसार राजुको ‘ब्रेन डेड’ भएको छ । उनको शरीरका कुनै पनि अंगले हलचल गरिरहेका छैनन् ।
राजुलाई दश दिन अगाडि जिम गर्दागर्दै हृदयाघात भएको थियो । दिल्लीको एम्स अस्पतालमा दश दिनको उपचारपछि पनि उनको स्वास्थ्यमा उल्लेखनीय सुधार हुन सकेको छैन ।
राजुका मित्र एशान कुरेसीले भारतीय सञ्चारमाध्यमहरुलाई जानकारी गराएअनुसार राजु पछिल्लो २५(३० घण्टादेखि बेहोस छन् ।
यस्तै एम्स अस्पातलका चिकित्सकहरुले पनि राजुको ब्रेनले काम गर्न छोडेको र हाल उनलाई अक्सिजन सपोर्टमा राखिएको बताएका छन् । राजुको अवस्था गम्भीर भएसँगै हाल एम्स अस्पातलमा उनका परिवारजन र शुभचिन्तकहरुको भीड लागेको छ ।
