मंसिर २५ गते,कैलाली । लम्की चुहा नगरपालिका प्रमुख सुशीला शाहीले पत्रकार खेम ढुङ्गानालाई नियन्त्रणमा लिएर भिडिओ डिलिट गर्न लगाइन् ।
नगरपालिकाका साधन आफ्नो निजी निवास निर्माण गर्न प्रयोग गरिरहेको सम्बन्धी रिपोर्टिङ गरिरहेका बेला नगर प्रमुखले शाहीले पत्रकार ढुङ्गानालाई केही घण्टा नियन्त्रणमा लिएकी थिइन् ।
ढुङ्गानाले नगर प्रमुख शाहीले आफूलाई नजिकैको होटेलमा लगेर मोबाइल र आफूलाई नियन्त्रणमा लिएकाे र खिचेका भिडिओ डिलिट गर्न लगाएको आरोप लगाएका छन् । ढुङ्गाना न्युज २४ टेलिभिजन सुदूरपश्चिम ब्युरो कार्यालयमा कार्यरत छन् ।
प्रेस चौतारी प्रदेश सदस्य समेत रहेका ढुङ्गानालाई समाचार संकलन गरिरहेका बेला मेयर शाहीले गरेको व्यवहार प्रति प्रेस चौतारी कैलालीले भत्सना गरेको छ ।
सचिव जनक बिष्टले जारी गरेको विज्ञप्तिमा घटनाको छानबिन गरि दाेषीमाथि कारबाहीको माग गरिएको छ ।
