इनरुवा । सुनसरीको इनरुवामा दाेश्राे रात्रिकालिन मेयरकप भलिवल प्रतियोगिता प्रतियोगिता हुने भएकाे छ ।
इनरुवा-२ स्थित रहेकाे फुलबारी भलिबल खेल मैदानमा फुलवारी क्रिकेट क्लवकाे आयाेजना तथा इनरुवा
नगरपालिकाकाे सहयाेगमा पुस २२ गते शुक्रबार साँझको ८ बजे देखी उक्त प्रतियोगिता हुने भएकाे हाे ।
इनरुवालाई स्थानीय स्तरदेखि राष्ट्रिय स्तरमा समेत खेलकुद शहरकाे रूपमा चिनाउने गरी कार्यक्रम संचालन गर्नलागेकाे फुलवारी क्रिकेट क्लवका अध्यक्ष शिव कुमार यादवले पत्रकार सम्मेलन गरि जानकारी दिनु भयाे ।
खेलकूद प्रति जनमानसमा सकरात्मक सोच ल्याउने
इनरुवा नगरलाई खेलकुदमा पहिचान दिलाउने,राष्ट्रिय स्तरका खेलाडी उत्पादन गराउने,इनरुवा नगरको खेलकुद क्षेत्रलाई विकास गराउने उदेश्यरहेकाे अध्यक्ष यादवले जानकारी दिनुभयाे।
उक्त प्रतियोगितामा रामधुनी नगरपालिका,दमक नगरपालिका,रंगेली नगरपालिका,सदानन्द नगरपालिका
,भरौल नगरपालिका,मधेशा भलिबल टिम,सयपत्रि भलिबल टिम,इनरुवा नगरपालिका,दुहबी नगरपालिका,बराहाक्षेत्र भलिबल टिम,नेपाल प्रहरी विशेष सुरक्षा गण दुहबी,तरहरा भलिबल टिम खेल्ने आयाेजकले जनाएकाे छ ।
