माघ१४ गते,इनरुवा।सुनसरीकाे इनरुवामा दलित तथा पिछडिएका समुदायको लागि एक दिने अभिमुखिकरण कार्यक्रम सम्पन्न भएको छ । 
सन्ताउव यूवा ब्लक (५७ टोली) इनरुवाको आयोजना र इनरुवा नगरपालिका वडा नम्बर १ को सहकार्यमा कार्यक्रम सम्पन्न भएको हो । इनरुवा नपा १ उद्योग बार्णिज्य संघमा दलित तथा पिछडिएका समुदायका महिलाहरुको सशक्तिकरण गर्दै जनचेतना मुलक कार्यक्रम सम्पन्न गरिएको आयोजक समितिका राकेश राउतले जानकारी दिनुभयो । कार्यक्रममा पहुच स्थापित र रोजगार तथा स्वरोजगारका लागि सार्वजनिक वा निजि समन्वय र सम्बन्धको प्रावधान बारेमा महिलाहरुलाई अभिमुखिकरण गरिएको राउँतले जानकारी दिनुभएको छ । कार्यक्रमको उद्घाटन इनरुवा १ का वडा अध्यक्ष प्रमोद पोखरेलले गर्नुभएको थियो । आयोजक सन्ताउव यूवा ब्लक (५७ टोली) इनरुवाका अध्यक्ष सत्यनारायण यादवले वडाका दलित तथा निम्न वर्गकाहरुको लागि राज्यले धेरै कार्यक्रमको आयोजना र लगानी गर्दै आएको भएपनि प्रभावकारी नभएकाले आफूहरु पहलमा लागेको जानकारी दिनुभयो । यादवले विगतमा जति तालिम भएको छ त्यती प्रभावकारी नभएको भन्दै अवको दिनमा आफूहरुले प्रभावकारी रुपमा काम गर्न अघि सरेको बताउनुभयो ।
कार्यक्रममा नेहा मण्डलले लैगिंक विभेद र छुवाछुत अन्त्यका लागि चेतनामुलक अभियान र दलित महिलाहरुलाई सिपमुलक तालिम दिएर आत्मनिर्भर रोजगार तथा स्वरोजगार बनाउनुपर्नेमा जोड दिनुभयो । अहिलेको अवस्थामा पनि दलित, मधेसी र जानजानीहरुले छुवाछुतको नाममा विभिन्न खालका विभेद भोग्नुपरेको सहभागिहरुले गुनासो राखेका थिए । कार्यक्रमको सहजीकरण राकेश साहेव राउत, नेहा मण्डल, सिताराम चौधरी लगायतकाले गरेका थिए । कार्यक्रममा कविता खत्वे, अजय देव, इन्दु कुमारी साह, ओतउल्ला खान, रेखा मण्डल, साकार पोखरेल पत्रकार जयकृष्ण यादव, गणेश यादव सहितका र वडाका जनप्रतिनिधीहरुको सहभागिता रहेको थियो ।
