माघ २२ गते,इनरुवा । सुनसरीमा एक साताको अवधिमा ४८१ जना लागूऔषध कारोबारीलाई प्रहरीले पक्राउ गरेको छ ।
जिल्ला प्रहरी कार्यालय सुनसरीका प्रहरी नायब उपरीक्षक (डीएसपी) राजकुमार राईका अनुसार एक साताको अवधिमा ४८१ जना लागूऔषध कारोबारीलाई प्रहरीले पक्राउ गरेको हो ।
बढ्दो लागूऔषधको ओसारपसार, बिक्री वितरण तथा सेवनमा संलग्नलाई शून्य सहनशीलताको नीति अवलम्बन गरी प्रचलित कानून बमोजिम कारबाही गरिएको डीएसपी राईले जानकारी दिए ।
लागूऔषध सेवन तथा कारोबार हुने विभिन्न स्थानहरूमा विशेष सुरक्षा योजना बनाइएको उनले बताए ।
लागूऔषध सेवन तथा कारोबार हुने विभिन्न स्थानहरूबाट ४७३ जना पुरुष र ८ जना महिला गरी ४८१ जना लागूऔषध दूव्र्यसनमा संलग्न व्यक्तिहरूलाई पक्राउ गरिएको प्रहरीले जनाएको छ ।
नियन्त्रणमा लिएकामध्ये ४७५ जनालाई सम्झाई बुझाई तथा आवश्यक मनोपरामर्श दिइ अभिभावकहरूलाई जिम्मा लगाइएको प्रहरीले सुनसरी प्रहरीले जनाएको छ ।
पक्राउ परेकाहरूको चालचलन, व्यवहार बुझेर जिम्मा लगाइएको हो । यस्तै, पक्राउ परेकामध्ये एकजनालाई सुधार केन्द्र र ५ जनालाई कानुनी प्रक्रियाअनुसार म्याद थप गरी आवश्यक अनुसन्धान भइरहेको बताइएको छ ।
अधिकांश लागूऔषधमा संलग्न व्यक्तिहरू १६ देखि ३० वर्ष उमेर समूहका रहेका छन् । धेरैजसो स्कुल, कलेजमा अध्ययन गर्ने गरेको र संगतबाट फस्ने गरेको प्रहरीको अनुसन्धानले देखाएको छ ।
