जनकपुरधाम । हिन्दु सम्राट सेनाले महोत्तरीको महदैयामा भएको झडपको जिम्मेवार सो ठाउँका वडाध्यक्षका प्रत्यासी र एक भ्रमरपुरका युवक रहेको आरोप लगाएका छन् ।
लोहारपट्टि नगरपालिका वडा नं-३ का वडाध्यक्षका प्रत्यासी उम्मेदवार जलाइदिन राईन र महोत्तरीको भ्रमरपुरा बस्ने पठान नामक युवकले हिन्दु सम्राट सेनालाई घेराबन्दी गरी कुटपिटको योजना बनाएको आरोप लगाएका छन् ।
हिन्दु सम्राट सेनाका अध्यक्ष राजेश यादवले महदैयामा प्रहरी कार्यालयमा दुईतर्फी छलफलपछि निस्केर फर्किदै गर्दा जलाइदिन राईन र पठानको नेतृत्वमा आएको ४०/५० जना मुस्लिम समुदायको समूहले हिन्दु सम्राट सेनालाई लक्षित गरी कुटपिट गरेको आरोप लगाएका छन् ।
राईनले हिन्दु सम्राट सेनालाई नै लक्षित गरी गएराती मूर्ति तोडफोडको चक्रव्यूह रचेको आरोप लगाएका छन् । मूर्ति तोडफोड गरेपछि हिन्दु सम्राट सेना निश्चित नै आउने भएपछि उनीहरुले योजना बनाएको आरोप उनले लगाएका छन् ।
मँगलबार साँझ मूर्ति तोडफोड गर्नेलाई कानुनी कारवाहीको माग गर्दै महदैया पुगेका हिन्दु सम्राट सेनालाई सोही ठाउँका मुस्लिम समुदायका व्यक्तिहरुले लाठी, पत्थर प्रहार गरेपछि दुईतर्फी झडप भएको थियो । प्रहरी प्रशासन समेत सोही ठाउँमा भएकोले अप्रिय घटना नभएको बताईएको छ ।
झडपको क्रममा हिन्दु सम्रााट सेनाकी सदस्य लक्ष्मी साहलाई निर्घात कुटपिट गरिएको जनाईएको छ । सेनाध्यक्ष राजेश यादवले विगत केही दिनदेखि कम्यूनिष्टहरुले हिन्दु धर्मावलम्बीहरुउपर निरन्तर प्रहार गरेको आरोप लगाएका छन् । महदैयाको प्रकरणमा समेत प्रत्यासी वडाध्यक्षका उम्मेदवार जलाइदिन राईन समेत माओवादीबाट रहेकोले उनकै योजना रहेको बताए ।
सो क्रममा हिन्दु सम्राट सेनाका सदस्यहरुले सो झडपमा उक्त समुदायमाथि भारी परेका थिए । मोटो सँख्यामा रहेको हिन्दु सम्राट सेनाले अचानक आक्रमण गरेपनि प्रतिकार गरी घर पसाएका थिए । केही क्षणमै प्रहरीले स्थितिलाई नियन्त्रणमा लिएको बताईएको छ । महदैयामा निषेधाज्ञा लगाउने तयारी गरिएको बताईएको छ ।
अध्यक्ष यादवले धार्मिक प्रहार गर्नेलाई कुनै पनि हालतमा नबक्सिने बताए ।
सोही क्रममा हिन्दु सम्राट सेनाका सदस्य जमुना साहले हिन्दुत्वमाथि प्रहार गर्नेलाई कदापी छुट नहुने बताएका छन् । हिन्दु सम्राट सेनामाथि योजना तहत प्रहार गरेकोप्रति आक्रोस व्यक्त गर्दै उनले धार्मिक हिसाबले गरेको प्रहारको जवाफ छिट्टै दिने बताए ।
उनले महोत्तरीको महदैयामा केही राजनीतिक दलका गाउँले नेताहरुले सुनुयोजित घटना गराएको भन्दै यसको जवाफ फर्काउन तयार रहेको बताए । उनले आफूहरु धार्मिक द्धन्द्ध नचाहेर पनि केही अराजक तत्वहरुले पटक पटक जिस्काएर हिन्दुहरुलाई उक्साउन खोजेको भन्दै यसको परिणाम उस्तै हुने उनले चेतावनी दिए ।
श्रोत : enewsbureau.com
