उदयपुर । उदयपुरको चौदण्डीगढी नगरपालिका-९ ज्यामिरेमा ट्रकको ठक्करबाट एक जना प्रहरी सहायक निरीक्षक (असई)को मृत्यु भएको छ । मृत्यु हुनेमा बेलका नगरपालिका-२ भागलपुर प्रहरी चौकीका प्रमुख प्रहरी सहायक निरीक्षक श्रीकुमार बस्नेत रहेका छन् ।
बस्नेत जिल्ला प्रहरी कार्यालयको प्रत्येक महिनामा हुने नियमित छलफलमा भाग लिई मोटरसाइकल चढेर आफू कार्यरत प्रहरीचौकी भागलपुरतर्फ र्फकंदै गर्दा ना ४ ख ६१८३ नम्बरको ट्रकले बस्नेतलाई ठक्कर दिएको थियो ।
ट्रकले बुधबार दिउँसो साढे एक बजे बस्नेतलाई ठक्कर दिएको थियो । उनलाई तत्काल जिल्ला अस्पताल उदयपुर पुर्याइए पनि चिकित्सकले मृत घोषणा गरेको जिल्ला प्रहरी कार्यालय उदयपुरले बताएको छ ।
ट्रक चालक विशाल परियार र ट्रकलाई इलाका प्रहरी कार्यालय बेल्टारले नियन्त्रणमा लिएको छ ।
