इनरुवा । सुनसरीकाे विभिन्न स्थानमा हर्सोउल्लासका साथ छठ पर्व मनाइरहेकाे थियाे । त्यसरी नै इनरुवा नगरपालिका वडा नं-२ शंकरपुर शाखा नहरमा स्थानीयहरु छठ पर्व हर्सोउल्लासका मनाउँदै थिए ।
बर्तालुहरु अस्ताउँदै गरेकाे सूर्य देवलाई साँझकाे अर्घ दिएर छठ घाटमा काेही भजन कृतनमा रमाइरहेका थिए भने काेही कुराकानी गर्दै बसिरहेका थिए । घाटमा धार्मिक तथा साँस्कृतिक कार्यक्रमकाे पनि आयाेजना गरिएकाे थियाे धेरै मानिसहरु उक्त कार्यक्रम हेर्न पनि व्यस्त थिए ।
उत्कैमा एउटा राताे कुर्ता लगाएकी महिला आउँछिन् । उनी पहिले घाटमा रहेकाे छठीमाताकाे दर्शन गर्छिन् र घाट तर्फ लाग्छिन् । उनीमाथि जब सर्वसाधारणकाे नजर पर्छ सबै दंग पर्छन् किनभने उनी कुनै सामान्य महिला नभएर जिल्ला प्रशासन कार्यालय सुनसरीकी प्रमुख प्रमुख जिल्ला अधिकारी हुमकला पाण्डे थिइन् । प्रजिअ पाण्डे सामान्य भेषमा छठ घाट पुगेकी थिइन् । हुनत उनी आएदेखिनै विभिन्न उदाहरणीय कार्यहरु गरेकी छिन् जिल्लामा तर छठ घाटमा बिना कुनै दलबलकाे एक्लै पुगेकाे हेर्दा स्थानीयले उनकाे निकै प्रसंसा गरे ।
प्रजिअ पाण्डेले सामान्य भेषमा आएर काँ के भैरहेकाे छ? सर्वसाधारणले सुरक्षाको अनुभुती कतिकमे गरेका छन्?लगायतका कुराकाे अनुगमन गर्दै छठीमाताकाे आशिर्वाद समेत लिएकी थिइन् ।
प्रजिअ पाण्डेलाई एउटा सुरक्षाकर्मीकाे साथमा हिंडदै घाटमा हेरेर स्थानीय निकै खुशी देखिए ।
सुनसरीमा प्रजिअ धेरै आए धेरै गए तर जनताकाे विचमा दलबल बिना देखिएकाे प्रजिअ हुमकला पाणडे मात्रहाे भनेर स्थानीय अनिल स्वर्णकारले बताए । उनले भने”प्रजिअ त धेरै हेर्याैं तर पाण्डे जस्ताे शालिन शान्त स्वभाव र एसरी दलबल बिना जनताकाे माझ आउँने, अन्यायमा परेकालाई न्याय दिलाउँन अहाेरात्र खट्ने पहिलाे पटक हेर्याें ।”
