वैशाख २ गते,खोटाङ । खोटाङमा छुरा प्रहारबाट एकको मृत्यु भएको छ ।
छुरा प्रहारबाट दिक्तेल रुपाकोट मझुवागढी नगरपालिका–११ खार्मी निभारेका ३१ वर्षीय धनजित राईको मृत्यु भएको हो ।
राईलाई गाउँकै तीन जनाले शनिवार साँझ छुरा प्रहार गरेको बताइएको छ ।
साँझ करिब साढे ७ बजे सोही ठाउँका भीमबहादुर राईको मकैबारीमा उनलाई छुरा प्रहार गरिएको थियो ।
घाइतेको घटनास्थलमै मृत्यु भएको जिल्ला प्रहरी कार्यालय खोटाङका डिएसपी पुरुषोत्तम खड्काले जानकारी दिए ।
छुरा प्रहार गरी फरार भएका अभियुक्तको खोजी भइरहेको छ ।
