गनेश कुमार यादव/
साउन १८ गते,इनरुवा । सुनसरीकाे सदरमुकाम इनरुवामा बेवारिसे अवस्थामा महिलाकाे शव फेला परेकाे छ ।
इनरुवा नगरपालिका वडा नं-३ महेन्द्र चाैक स्थित रहेकाे राधाकृष्ण मन्दिर देखि उत्तर गणेशपुर सडक छेउमा बेवारिसे अवस्था शव फेला परेहकाे हाे ।
भाेक्राहा नरसिंह गाउँपालिका वडा नं-१ खैरा टाेलकी ४० बर्षिय सैफुन खातुनकाे शव बेवारिसे अवस्थामा बुधबार बिहान फेलापरेकाे जिल्ला प्रहरी कार्यालय सुनसरीले जनाएकाे छ ।
बिहान स्थानीयहरु उक्त सडकबाट आवतजावत गर्दा खातुनकाे शव हेरेपछि प्रहरीलाई खवर गरेका थिए । घटनाकाे खवर पाएलगत्तै जिल्ला प्रहरी कार्यालय सुनसरीका प्रहरी घटना स्थलमा पुगि अनुसन्धान गर्न थालेका थिए ।
खातुनकाे हत्यागरि उक्त स्थानमा फालेर अपराधी भागेकाे हुनसक्ने स्थानीयहरुकाे आशंका छ ।
प्रहरीले घटना स्थलबाट मुचुल्का उठाएर शवलाई पाेष्टमार्टमका लागि अस्पताल पठाएकाे छ ।
प्रहरीले घटना बारे थप अनुसन्धान थालिएकाे बताए । पाेष्टमाटम रिपोर्ट आएपछि घटनाकाे वास्तविकता खुल्ने जिल्ला प्रहरी कार्यालय सुनसरीले जनाएकाे छ । परिवारकाे सदस्यले शव पहिचान गरेकाे र मृत भेटिएकी महिला मानसिक समस्यामा रहेकाे भन्ने बुझिएको प्रहरीकाे भनाई छ ।
