भोजपुर : भोजपुरको हतुवागढी गाँउपालिका ९ मचुवा स्थितबाट ८२६ किलो ६६० ग्राम गाँजा बोकेको ट्रयाक्टरसहित ९ जनालाई प्रहरीले पक्राउ गरेको छ ।
भोजपुरको प्रहरी चौकी हसनपुरबाट गस्तीमा खटिएको प्रहरी टोलीले मचुवादेखि धनकुटाको अखुवाटारतर्फ लैजादैँ गरेको ना ७ त ३५० नम्बरको ट्याक्टरलाई चेकजाँच गर्दा डालाभित्र ४३ वटा बोरामा राखेको ८२६ किलो ६६० ग्राम गाँजा बरामद गरेको हो ।
यससँगै आमचोक ९ का रुद्रबहादुर श्रेष्ठ, निशान मगर, नीरबहादुर श्रेष्ठ, धनकुटाको सहिदभूमि २ का सुदीप पुर्कुटी, निलकुमार मगर, किशोर बिसुन्के, बिर्खबहादुर बिसुन्के, दीपकुमार बिसुन्के र ताप्लेजुङको मिरिङ्डेन ६ का लाक्पा शेर्पालाई पक्राउ गरेको छ ।
पक्राउ परेका सबैजनाको सम्बन्धमा थप अनुसन्धान भइरहेको प्रहरीले जनाएको छ।
