पंकज साह निखिल
राजबिराज । सप्तरीको मविब क्याम्पस राजबिराजको (स्ववियु) निर्वाचनमा जसपा निकट समाजवादी विद्यार्थी युनियनका रंजित कुमार यादव नेतृत्वको प्यानल विजय भएका छन् । विजय संगै बिहीबार राजविराजमा ¥याली निकालीएको छ ।
मविब क्याम्पसबाट निकालिएको विजय जुलुस राजबिराज नगरको विभिन्न ठाउँमा पुग्दै विधार्थी मतदातालाई धन्यवाद ब्यक्त गरेका छन ।
नवनिर्वाचित सभापति रंजित कुमार यादबले भने, क्याम्पसको शैक्षिक सुधार, नियमित पठन–पाठन, पुस्तकालयमा पुस्तक, क्याम्पसको नीति निर्माणमा सुधार गर्ने प्रतिबद्धता जनाएका छन ।
बुधवार सम्पन्न मतगणनामा उनका प्रतिद्वन्द्वी अनेरास्ववियुका रंजिव कुमार साहलाई दोब्बर मतले पराजित गरेका छन्, उनले १ सय ९९ मत प्राप्त गरेका थिए । यसैगरी सचिवमा गठबन्धनका सुनिल कुमार मण्डल र कोषाध्यक्षमा मेनुका साह निर्वाचित भएका छन् । सदस्यमा बिनय यादब, मो जकाउल्लाह, रामानन्द राम, प्रकाश यादब, कंचन ठाकुर, नन्दन मण्डल र राकेश यादब निर्वाचित भएका छन् ।
समानुपातिक तर्फ समाजवादी विद्यार्थी युनियनले २ सय ९३ मत ल्याएका छन् भने अखिल क्रान्तिकारी १ सय ३७, नेविसंघ संघ १ सय ४४ र अनेरास्ववियुले १ सय १४ मत ल्याएका छन् । लोकतान्त्रिक विद्यार्थी संघले ५२, अनेरास्ववियु समाजवादीले ४८ मत प्राप्त गरेका छन् । यहाँ समाजवादी विद्यार्थी युनियन, अखिल क्रान्तिकारी तथा लोकतान्त्रिक विद्यार्थी संगठनले गठबन्धन गरेका थिए ।
गत चैत ५ गते सम्पन्न स्ववियु निर्वाचनको विद्यार्थी संगठनहरूको विवादका कारण ४ दिन देखि रोकिएको मतगणना त्रिविको निर्देशन अनुसार तत्काल निर्वाचनको बाँकी प्रक्रिया अगाडि बढाउन आदेश गरेपछि क्याम्पस प्रशासन र निर्वाचन समितिले बुधवार मतगणना सम्पन्न गरेको थियो । सम्पन्न मतगणनाबाट नेविसंघका महेश कुमार यादबले ९० मत र रामभजन मण्डल जनमत विद्यार्थी संघले ७२ मत प्राप्त गरेका थिए ।
