नरेशचन्द्र बरवरिया यादव
सिरहा । स्वास्थ्य तथा जनसङ्ख्या मन्त्रालयले काठमाडौँ उपत्यकासहित सबै जिल्लामा फार्मेसीको अनुगमन सुरु गरेको छ ।
औषधि र औषधिजन्य वस्तुको सहीरुपमा उपभोगका साथै फार्मेसीबाट बिक्रीवितरण हुने औषधिको गुणस्तरबारे जानकारी लिनका अनुगमन अघि बढाइएको स्वास्थ्य तथा जनसङ्ख्या मन्त्री मोहनबहादुर बस्नेतले बताए ।
यस्तै सदरमुकाम सिरहा देखि माडर सम्म रहेका करिव १२ औषधि पसलमा अनुगमन भएको छ । फार्मेसीको निरीक्षणपछि सिरहाका सहायक प्रमुख जिल्ला अधिकारी आनन्द पौडेलले फार्मेसीको निरीक्षण र अनुगमनको काम भइरहेको र यसलाई निरन्तरता दिइने बताए ।
फार्मेसीको प्रभावकारी अनुगमन गरी प्रक्रिया नपुर्याइ सञ्चालन भएका, म्याद गुज्रिएका औषधि बिक्रीवितरण गरेको पाइएमा कारबाहीको भागिदार हुने उनले बताए । अनुगमनको डर बन्द रहेका फार्मेसीले एक न एक दिन फेला पार्ने र गरेको गैरकानुनी कामलाई कार्वाहीको दायरामा ल्याउने उनले थपे ।
स्वास्थ्य कार्यालय सिरहाका प्रमुख कृष्ण देव यादव ,जिल्ला प्रहरी कार्यालय सिरहा बाट प्रहरी निरीक्षक शंकर प्रसाद चौधरी , नेपाल पत्रकार महासंघ सिरहाका सचीव शिवदयाल यादव ,पत्रकार सोनु मिश्र,पत्रकार नरेशचन्द्र बरबरिया ,औषधि व्यवसायका उपाध्यक्ष संतोष अग्रवालको सहभागी रहेको थियो ।
