इनरुवा । प्रविधिको प्रयोगसंगै नापी कार्यालय इनरुवाको सेवा प्रवाह पछिल्लो समयमा सहज वन्न थालेको छ । विगतमा खोजेको समयमा नक्सा नभेटिने सानो कामका लागि समेत सेवाग्राहीले धेरै समय खर्चनु पर्ने अवस्था प्रविधिको प्रयोगसंगै हराउन थालेपछि सेवाग्राह र सेवाप्रवाह गर्नेहरु दुवै थरीले सहजता महशुस गर्न थालेका हुन ।
नक्सा निकाल्न आउदा विगतमा घाम लागेको समय पार्नु पर्ने , धेरै नक्साहरु रहेका कारण आफुले खोजेको नक्सा सजिलै नपाउने लगायतका कारण सेवाग्राहीहरुले सास्ती भोग्नु परिरहेको तर्फ मध्यनजर गर्दै प्रविधि प्रयोगमा ल्याइएपछि सहज हुन थालेको हो । सेवाग्राहीका चाप धेरै हुने जिल्लाको कार्यालय मध्येमा पर्ने नापी कार्यालयमा सेवाग्राहीलाई लक्षित गरी कम्प्युटरबाट काम गर्न थालिएपछि सहज भएको कार्यालयका प्रमुख सञ्जीवकुमार साह वताउछन ।
विगतमा नक्सा निकाल्न आउदा समेत धेरै समय लाग्ने गरेकोमा अहिले प्रविधिको प्रयोग सहित टोकन प्रणाली सुरु गरिएका कारण छिटो र सजिलै काम हुने गरेको सेवाग्रााही समेत वताउछन । इटहरीबाट नक्सा प्रिन्टका लागि आएका एक जना सेवाग्राहीले पहिलेको तुलनामा धेरै सजिलो छोटो समयमा काम भएको वताए ।
कागजी फाइलिग र घाम भएको दिन मात्र हुने नक्सा प्रिन्ट हुने प्रविधिलाई विस्थापित गरी कम्प्युटरका माध्यमबाट काम हुन थालेपछि नापी कार्यालय इनरुवाको काममा छिटो र सहज रुपमा हुन थालेको पाइन्छ । अहिले नापी कार्यालय इनरुवामा नक्सा प्रिन्ट ,जग्गाको कित्ता काट,नक्साकंन लगायतका कामहरु कम्प्युटरबाट हुन थालेको छ ।
