फागुन १ गते,इनरुवा । सुनसरीको इनरुवा नगरपालिका वडा नं–२ स्थित रहेकाे बुढासुब्बा आधारभूत विद्यालयमा अध्ययनरत ११० जना बालबालिकालाई विद्यालयकाे पोसाक वितरण गरिएको छ ।
साेमबार माघ-२ गते हुने सरस्वती पूजालाई लक्षित गर्दै पूर्व कृषि राज्यमन्त्री लक्ष्मण मेहताले विद्यालयमा अध्ययनरत ११० जना बालबालिकालाई पोसाक वितरण गर्नुभएको हो ।
सरस्वती पूजाको अवसरमा बालबालिकालाई पोसाक तथा जुत्तामोजा सेट वितरण गरिएको मेहताले बताउनुभयो । वहाँले भन्नुभयो”याे कुनै संघसंस्थाबाट दिएकाे सहयाेग हाेइन,मेराे छाेरा मनाेज मेहता र प्रमाेद मेहताले कमाएकाे केही रकम समाज सेवामा लगाउँदै आएकाे र आगामी दिनहरुमा पनि समाजसेवामै लगाउँने छु।”
साेही अवसरमा उक्त विद्यालयका प्र.अ. गणेश प्रसाद भट्टराई तथा विद्यालय व्यवस्थापन समितिका अध्यक्ष शशि थापा मगरले मेहतालाई सम्मा-पत्र सहित सम्मान गर्नुभएको थियाे ।
पोसाक वितरण कार्यक्रममा काेशी प्रदेश सभासदस्य रामप्रसाद मेहता, सुनसरीका प्रमुख जिल्ला अधिकारी जयनारायण आचार्य, इनरुवा नगरपालिका उपप्रमुख विनीता मेहता, सदस्य वीरेन्द्रकुमार मेहता,समाजसेवी याेगेन्द्र मेहता,समिम अख्तर,अनु आले मगर, विद्यालय व्यवस्थापन समितिका अध्यक्ष शशि थापा मगरलगायतको उपस्थिति थियो ।
