विराटनगर । विराटनगर–११, महेन्द्रचोकस्थित पारस मल्टिस्पेशालिटी अस्पताल प्रा.लि. ले अब दुई दशकभन्दा बढी अनुभव भएका वरिष्ठ फिजिसियन तथा विशेषज्ञ डाक्टर सैयद वकार अहमद को सेवा उपलब्ध गराउने भएको छ। अस्पतालका प्रमुख कार्यकारी अधिकृत हेमनारायण मेहता का अनुसार डा. अहमदको सेवा मंसिर ५ गते, बुधबार बाट प्रारम्भ हुनेछ।
डा. सैयद वकार अहमदले सुगर, थाइराइड, ब्लडप्रेशर, किड्नी, न्युरो तथा हृदय रोग सम्बन्धी उपचारमा विशेष योगदान दिएका छन्। उनी बीपी कोइराला स्वास्थ्य विज्ञान प्रतिष्ठान, धरान बाट एमबीबीएस र एमडी (इन्टर्नल मेडिसिन) गरेका वरिष्ठ चिकित्सक हुन्। साथै, उनले नोबेल मेडिकल कलेज मा सहायक प्राध्यापकको रूपमा पनि काम गरिसकेका छन्।
पारस अस्पतालमा डा. अहमदको आगमनसँगै बिरामीहरूले २४ सै घन्टा उच्चस्तरीय र बिशिष्ट सेवा लिन सक्नेछन्। अस्पतालले डा. अहमदको अनुभव र विशेषज्ञताले बिरामीहरूको स्वास्थ्य सेवामा गुणात्मक सुधार ल्याउने विश्वास लिएको छ।
पारस अस्पताल सुगर, थाइराइड, ब्लडप्रेशर, किड्नी, न्युरो तथा हृदय रोगका बिरामीहरूका लागि अब एक प्रमुख गन्तव्य बन्ने अनुमान गरिएको छ।
पारस अस्पताल कार्यकारी अध्यक्ष तथा निर्देशक सफिकउल रहमाले भन्छ”सेवा नै धर्म” एक प्रसिद्ध भनाइ हो, जसले अरूलाई सहयोग गर्नु नै सबैभन्दा पवित्र कर्म हो रहमानले प्रतिक्रिया दिनु भयो।
विराटनगरको पारस अस्पताल पूर्वी नेपालमा अवस्थित एक प्रतिष्ठित बहु-विशेषज्ञताप्राप्त अस्पताल हो। यो अस्पताल विशेष गरी पूर्वी क्षेत्रका बिरामीहरूलाई आधुनिक चिकित्सा सेवा प्रदान गर्ने उद्देश्यले स्थापना गरिएको हो।
