विराटनगर । सिराहाको गोलबजार–३ स्थित बसाेवास गर्दै आएका एक जना १७ बर्षिय किसाेरकाे सिरहाबाट अपहरण गरि बिराटनगरमा हत्या गरिएकाे छ ।
सिराहाबाट अपहरणमा परेका १७ वर्षीय अंशु सदाको विराटनगरकाे एक हाेटलमा हत्या गरिएको हाे ।
सदालाई २३ गते अपहरण गरेर २४ गते विराटनगर ल्याइएको २६ गते बिहिबार राति हत्या गरेकाे खुलेकाे छ ।
सदालाइ अपहरणमा संलग्न ३ जनालाई प्रहरी शुक्रबार पक्राउ गरेकाे छ ।
घटनामा संलग्नहरु फिरौतीको रकम झिक्न विराटनगरस्थित माछापुछ्रे बैंक पुगेकाबेला प्रदेश र मोरङ प्रहरीको संयुक्त टोलिले तिनै जनालाई नियन्त्रणमा लिएर उनीहरु बसेको विराटनगर बसपार्क स्थित न्यू अप्सरा गेष्ट हाउस चेकजाँच गर्दा सदाको लास लोबेड भित्रबाट बरामद भएको प्रहरीले जानकारी दिए । https://youtu.be/xCF0B7XW1NA
पैसा झिक्न दुइजना गएका थिए भने सदालाई हत्या गरेर राखिएको लोबेड माथि एक जना सुतिरहेको अवस्थामा शुक्रबार बिहान पक्राउ परेका थिए ।
उनीहरुले मृतक सदाका परिवारसँग एकलाख रुपिँया फिरौती मागेको मोरङ प्रहरीका प्रहरी निरीक्षक पप्पु नायकले जानकारी दिए ।
उनीहरुले सदाको मुखमा पट्टी बाँधेर ईटाले हिर्काएर हत्या गरेको प्रहरीले जानकारी दिए ।
सदाकाे हत्याकाे आरोपमा धनुषा कमलामाई नगरपालिका–६ का राकेश ठाकुर, प्रशान्त मण्डल र मोरङ रतुवामाई–५ का दुपाडाका मनोज कार्कीलाई नियन्त्रणमा लिइएको प्रहरी निरीक्षक नायकले जानकारी दिए । घटनामा अन्य व्यक्ति समेत संलग्न रहेको प्रहरीले जानकारी दिए ।
