गनेश कुमार यादव
इनरुवा । सुनसरीको बराहक्षेत्र नगरपालिका वडा नं–११ मधुवनमा सरसफाइ तथा डेङ्गु रोग सम्बन्धी सचेतना कार्यक्रम सम्पन्न भएको छ ।
शनिबार बराहक्षेत्र नगरपालिका वडा नं–११ मधुवन बजारमा हाम्रो एकता युवा क्लबले सरसफाइ तथा डेङ्गु रोग सम्बन्धी सचेतना कार्यक्रम सम्पन्न गरेका हुन् । 
शुभ दिपावली तथा छठ पर्वको शुभ अवसरमा सरसफाइ तथा डेङ्गु रोग सम्बन्धी सचेतना कार्यक्रम सम्पन्न गरेको क्लबका अध्यक्ष कलामुद्दीन अन्सारीले जानकारी दिए । 
बराहक्षेत्र नगरपालिका मधुवन वडा नं–११मा ‘म’ बदलिन्छु अनि मेरो देश बदलिन्छ भन्ने संकल्पका मधुवन बजार सरसफाइ गरेको अध्यक्ष अन्सारीले जानकारी दिए ।
कार्यक्रममा बराहक्षेत्र नगरपालिका वडा नं–११ का वडा अध्यक्ष,हाम्रो एकता युवा क्लबका पदाधिकारी, स्थानीय वासिन्दा, नेपाल प्रहरी लगायतले मधुवन बजारमा सरसफाइ गरि डेङ्गु रोग सम्बन्धी सचेतना मूलक सन्देश प्रवाह गरेको अध्यक्ष अन्सारीले जानकारी दिए । 
उक्त कार्यक्रमको अवसरमा बराहक्षेत्र नगरपालिका वडा नं–११ को वडा कार्यालयले १० वटा फोहोर फाल्ने डस्टबिन मधुवन बजारमा राखेको वडा नं–११ को वडा अध्यक्ष कृष्ण कुमार महतोले जानकारी दिए । 
कार्यक्रममा सिनियर नर्सिङ कमला राईले डेङ्गु रोग कसरी सर्छ रु डेङ्गु मच्छर को वृद्धि विकास कसरी हुन्छ र ति सबैबाट कसरी बच्न सकिन्छ भनेर मधुवनका सर्वसाधारणहरूलाई जानकारी दिइन् ।
त्यसैगरी हाम्राे एकता युवा क्लबका अध्यक्ष कलामुद्दीन अन्सारीले हाम्राे एकता युवा क्लबको स्थापनाकाल देखिनै यस्ता सरसफाइ तथा विभिन्न किसिमका सचेतना फैलाउँदै आइरहेको जानकारी दिए ।
उक्त कार्यक्रममा हाम्रो एकता युवा क्लबका युवा, महिला, बालबालिका, किसोर किशोरी, समाजका अगुवाहरू ,नेपाल प्रहरी ,लगायतको सहभागिता रहेको थियो ।
उक्त कार्यक्रम हाम्रो एकता युवा क्लब बराहक्षेत्र,सुनसरीको आयोजनामा सम्पन्न भएको थियो ।
सरसफाइ तथा डेङ्गु रोग सम्बन्धी सचेतना कार्यक्रम समाजको लागि निकै महत्वपूर्ण छ । यसले समाजका सबैलाई एकठाँउमा जोडेर मेल मिलाप गराउने देखि गाउँ र सहर बनाउँन स्थानियहरुको महत्वपूर्ण भूमिका हुन्छ भनेर समाजमा राम्रो सन्देश प्रवाह गरेका छ । आगामी दिनमा यस्ता कार्यक्रमहरू लाई प्राथमिकता दिन जरुरी देखिन्छ र।
