गनेश कुमार यादव
इनरुवा । सुनसरीको इनरुवा नगरपालिका वडा नं–५ बलहामा पहिलो पटक झाँकी सहित दोश्रो टोल स्तरीय फुटबल प्रतियोगिता उद्घाटन भएको छ ।
शनिबार इनरुवा –५ थाहरु चौकबाट थारु, नेवार,मधेशी लगायतको भेषभुसा र लाखे नाच सहित झाँकी निकाली श्री शारदा अमर शान्ति सृजना आधारभुत विद्यालयको प्राङ्गणमा पुगी दोश्रो टोल स्तरीय फुटबल प्रतियोगिता उद्घाटन भएका हो । 
इनरुवा नगरपालिका वडा नं–५ का वडा इनरुवा नगरपालिका वडा नं–५ का वडा अध्यक्ष अनिल कुमार पोखरेलले रेफ्रीलाई फुटबल हस्तान्तरण गरि दोश्रो टोल स्तरीय फुटबल प्रतियोगिता उद्घाटन गर्नु भएको थियो ।
योपनि हेर्नुहोस् :
उक्त प्रतियोगितामा शनिबार इनरुवा–५ बलहाका नेवार टोल र किसान टोलको खेल सुरुभएको थियो । शनिबारको खेलमा नेवार टोलले १ गोल किसान टोलले २ गोल प्रहार गरी किसान टोल विजय भएको थियो । भने भोली आदर्श टोल र हिमाली टोलको खेल हुने लाटी देवी एकेडेमीका सचिव रोहित थारुले जानकारी दिए । 
उक्त खेलमा म्यान अफ द म्याच किसान टोलका जर्सी नं –१० का सुरज चौधरी बनेका थिए । भने मुख्य रेफ्री बिनोद थापा मगर रहेका थिए ।
भदौ ११ गतेबाट सञ्चालन भएको उक्त खेल भदौ १८ गते सम्म चल्ने र प्रतियोगिताको बिजेता , उपविजेतालाई नगद र ट्रफी सहित पुरस्कृत गर्ने सचिव थारूले जानकारी दिए ।
सचिव थारुले उक्त खेलबाट आफ्नो वडामा रहेका खेलाडीको पहिचान गर्न र अवसर नपाएका खेलाडीहरुलाई अवसर प्रदान गर्न वडा स्तरीय फुटबल प्रतियोगिताको लाटीदेवी एकेडेमी इनरुवा–५ बलहाले आयोजना गरेको जानकारी दिए । 
कार्यक्रममा इनरुवा नगरपालिका वडा नं–५ का वडा अध्यक्ष अनिल कुमार पोखरेल लगायत वडा सदस्यहरुलाई सम्मान समेत गरिएको थियो ।
लाटीदेवी एकेडेमी इनरुवा–५ बलहा द्वारा आयोजित दोश्रो “टोल स्तरीय फुटबल प्रतियोगिता ”सफल पार्नको निम्ति जनप्रतिनिधिहरूले गरेको आर्थिक सहयोग , भौतिक तथा सामाजिक सहयोगको उच्च मल्याङ्कन गरी वडा अध्यक्ष अनिल कुमार पोखरेल लगायत लगायत वडा सदस्यहरुलाई सम्मान गरेको सचिव थारुले जानकारी दिए । 
उक्त वडा स्तरीय फुटबल प्रतियोगिताको लाटीदेवी एकेडेमी इनरुवा–५ बलहाले आयोजना गरेको थियो । त्यसैगरी इनरुवा नगरपालिका वडा नं–५ को कार्यालय मुख्य प्रायोजक रहेको थियो ।
कार्यक्रममा प्रमुख अतिथि इनरुवा नगरपालिका वडा नं–५ का वडा अध्यक्ष अनिल कुमार पोखरेल विशिष्ट अतिथि इनरुवा नगरपालिका वडा नं–६ का वडा अध्यक्ष सुमन थापा,इनरुवा–५ का वडा सदस्य दुर्गा प्रसाद दाहाल, यम कुमार श्रेष्ठ, सारदा भट्टराई लगायतको आतिथ्यता रहेको थियो भने दुई सय जना भन्दा बढी दर्शकहरूको उपस्थिति रहेको थियो ।
उक्त कार्यक्रम लाटीदेवी एकेडेमीका अध्यक्ष जिवन कुमार श्रेष्ठको अध्यक्षतामा सम्पन्न भएको थियो ।
भिडियो :
