शनिबार दोश्रो टोल स्तरीय फुटबल प्रतियोगिताको  फाइनल गेम

इनरुवा । सुनसरीको इनरुवा–५  बलहामा जारी दोश्रो टोल स्तरीय फुटबल प्रतियोगिता  शनिबार फाइनल गेम हुने भएको छ ।
शुक्रबार लाटीदेवी एकेडेमी इनरुवा–५ बलहाले पत्रकार सम्मेलन गरेर शनिबार दोश्रो टोल स्तरीय फुटबल प्रतियोगिता  शनिबार फाइनल गेम हुने भएको जानकारी गराए ।
फाइनल खेलमा इनरुवा–५ बलहाको अन्नपूर्ण टोल र किसान टोल बिच प्रतिस्पर्धा हुने आयोजकले जनाएको छ । फाइनल खेलमा प्रथम हुने टिमलाई सिलकप (ट्रफी) सहित नगद रु १०,०००। प्रदान गर्ने र दोश्रो हुने टिमलाई सिलकप (ट्रफी)  सहित नगद रु ५,०००। दिने र भविष्यका दिनहरूमा यसरिनै अझै भव्यताका साथमा फुटबल प्रतियोगिता गराउदै लाने लाटीदेवी एकेडेमीका अध्यक्ष जीवन कुमार श्रेष्ठले बताए । अध्यक्ष श्रेष्ठले इनरुवाको इनरुवा–५ बलहालाई र लाटीदेवी एकेडेमीलाई इनरुवा लगायत आसपासका क्षेत्रमा चिनाउन का लागि उक्त टोल स्तरीय फुटबल प्रतियोगिताको आयोजना गरेको जानकारी दिए । त्यसैगरि अन्नपुर्ण टिमका क्याप्टेन त्रिपेश श्रेष्ठले आफूहरूले अघिल्लो प्रतियोगितामा प्रथम स्थान हात पर्न सफल  नभएको र यस पटल फाइनल गेम सम्म पुगेको बताउँदै सय पटक प्रतियोगितामा प्रथम स्थान हात पार्ने विश्वास व्यक्त गरे । श्रेष्ठले हाल बालबालिकाहरू मोबाइलमा पब्जी, टिकट आदिमा समय खेर  फालिरहेको अवस्थामा यसरी फुटबल प्रतियोगिता गराएर खेल तर्फ आकर्षित गरी सम्पूर्ण बालबालिकाहरूलाई पढाइ सँगै खेलकुद पनि आवश्यक रहेको एउटा सकारात्मक सन्देश गएको बताए ।