गनेश कुमार यादव
पुस २२ गते,इनरुवा । सुनसरीको इनरुवामा आत्महत्या हतोत्साहनको सन्देश सम्प्रेषण गर्न आयोजित विशेष कार्यक्रम सम्पन्न भएको छ ।
शुक्रबार इनरुवा–१ स्थित रहेको श्री भगवती माध्यमिक विद्यालयमा सनातन कुटुम्ब नेपालकोको आयोजना तथा इनरुवा नगरपालिकाको सहयोगमा आत्महत्या हतोत्साहनको गर्ने उदेश्यले उक्त कार्यक्रम सम्पन्न भएको हो ।
कार्यक्रममा इनरुवा नगरपालिका क्षेत्र भित्र रहेका निजी तथा सामुदायिक विद्यायलहरुका बालबालिकालाई तथा शिक्ष शिक्षिकाहरुलाई आत्महत्या के हो ?, कुन अवस्थामा मानिसले आत्महत्या गर्छ ,आत्महत्या गर्दा समाजमा के कस्ता नकरात्मक असर पर्छ र हामीले जतिसुकै अप्ठ्यारो समयमा पनि कसरी आफुलई शान्त बनाएर राख्ने जस्ता सचेतना मुलक सन्देश विज्ञहरुले दिएको सनातन कुटुम्ब नेपालका अशोक चितलांगियाले जानकारी दिनुभयो ।
समाजमा सानासाना कुरामा पनि आत्महत्या गर्ने प्रवृतिको विकास हुँदै गइरहेकाले आत्महत्या समस्याको निकास होइन बाँचेर नै समस्याको निकास निस्कन्छ भन्ने सन्देश विद्यालयका विद्यार्थी मार्फत समाजमा पु¥याउने उद्धेश्यका साथ कार्यक्रमको आयोजना गरिएको चितलांगियाले जानकारी दिनुभयो ।
उक्त कार्यक्रममा इनरुवा नगरपालिका क्षेत्र भित्रका २ हजार भन्दा बडी विद्यार्थीहरुको उपस्थिती रहेको थियो । भने नगर क्षेत्र भित्रका विद्यायलका शिक्षक शिक्षिकाहरुको समेत उपस्थिती हेको थियो ।
उक्त कार्यक्रमकै अवसरमा इनरुवा नगरपालिकाका नगर प्रमुख केदार भण्डारी, उपप्रमु बिनिता मेहता, प्रमुख जिल्ला अधिकारी इनद्रेव यादव,प्रहरी प्रमुख प्रभु प्रसाद ढकाललगायतकाले “ बाँचौं न जीवनभर” नामको पुस्तक बिमोचन गर्नुभएको थियो ।
