इनरुवा । सुनसरीको सदरमुकाम इनरुवानगरपालिका वडा नं-१ स्थित रहेकाे श्री भगवती माध्यामिक विद्यालयका पूर्व शिक्षक र प्रधानअध्यापकले विद्यालयको व्यवसायिक प्रयोजनका लागि दुईकोठे भवन हस्तान्तरण गरेकाे छ ।
भगवती मा.विमा कार्यरत प्रधानाध्यापक तथा अवकाशप्राप्त शिक्षक परिवारले विद्यालयको आन्तरिक श्रोत बृद्धीका लागि भगवती मन्दिरदेखि पश्चिमतर्फ मेनरोडमा व्यापारिक प्रयोजनमा भाडामा लगाउने गरि भवन निर्माण गरि हस्तान्तरण गरेकाे हाे ।
भगवती माध्यामिक विद्यालयमा आयोजित कार्यक्रममा पूर्व शिक्षक रहेका सेबन्तराज बराल र प्रधानअध्यापक गंगा पौडेल बराल, छोरी अजिता बराल घिमिरे र ज्वाईं भिम घिमिरेले बुबा स्व. केदारप्रभसाद बराल र आमा तुलसा बरालको सम्मानमा विद्यालय परिषरमा निर्माण गरिएको सटरसहितको दुईकोठे पक्की भवन निर्माण गरि हस्तान्तरण गरेकाे विद्यालयले जनाएकाे छ ।
कार्यक्रममा इनवा नगरपालिकाका नगर प्रमुख केदार भण्डारी, वडा अध्यक्ष प्रमोद पोखरेल, विद्यालय व्यवस्थापन समितिका अध्यक्ष विश्वनाथ ओझालगायत उपस्थिति रहेकाे थियाे ।
