इनरुवा । सुनसरीको इनरुवामा अन्तर विद्यालय मा.वि तह हाजिरी जवाफ प्रतियोगिता सम्पन्न भएको छ ।
निजी तथा आवासीय विद्यालय अर्गनाईजेसन नेपाल (प्याब्सन) नगर कार्यसमिति इनरुवाको आयोजनामा शुक्रबार इनरुवा–३ स्थित रहेको जनक स्मृति माध्यमिक विद्यालयमा उक्त प्रतियोगिता सम्पन्न भएको हो ।
उक्त प्रतियोगितामा द मार्टर इङ्गलिस स्कुल प्रथम, जनक स्मृति माद्यमिक विद्यालय दोस्रो, इष्ट पोइन्ट इङ्गलिस स्कुल तेस्रो र पदम मेमोरियल स्कुल सान्त्वना भएको छ ।
नगर प्याब्सन इनरुवाका अध्यक्ष रमेश गुरागाईंले प्रतियोगितामा प्रथम,दोस्रो,तेस्रो र सान्त्वना भएका विद्यार्थीहरूलाई सिल्ड,मेडलर प्रमाण–पत्र प्रदान गर्नुभएको थियो ।
प्रतियोगितामा इनरुवा नगर क्षेत्र भरिका १७ वटा निजी विद्यालयका विद्यार्थीहरुको सहभागिता रहेको नगर प्याब्सन इनरुवाका सचिव गंगाराम मण्डलले जानकारी दिनुभयो ।
उक्त प्रतियोगितामा इनरुवा नगरपालिका वडा नं–६ का वडा अध्यक्ष सुमन थापा,शिक्षक सरोज वराल,दिपक कार्की, आषिश थापा,विनोद यादव,राम नरेश यादव, गंगाराम मण्डल लगायतको आतिथ्यता रहेको थियो भने नगर प्यब्सन इनरुवाका अध्यक्ष रमेश गुरागाईंको अध्यक्षतामा सम्पन्न भएको थियो ।
