श्रीकृष्णजन्माष्टमी इनरुवामा पनि भव्य रुपमा मनाउने

इनरुवा । नेपालीहरुको आस्थाको पर्वको रुपमा रहेको श्रीकृष्णाजन्मअष्ठमी इनरुवामा विविध धार्मिक कार्यक्रमको आयोजना गरी भव्य रुपमा मनाउने तयारी गरिएको छ ।
श्रीकृष्णाजन्मअष्ठमीको अवसरमा सुनसरी सदरमुकाम इनरुवामा पनि रथ यात्रा निकालिने तयारी पुरा भएको आयोजकले जनाएको छ ।
इनरुवामा विगतको जस्तै रथ यात्राको तयारीमा जुटेको अभियानकर्मीहरुले बताएका छन् । श्रीकृष्ण जन्माष्टमीको पावन अवसरमा श्री राधाकृष्ण मन्दिर इनरुवा ३ ले भव्य रथयात्राको तयारी गरेको हो ।
रथयात्रा भदौ ४ गते निकालिने तयारी भएको छ । त्यसको अघिल्लो दिन पनि भजनकिर्तन तथा रात्रीकालिन जाग्राम बस्ने कार्यक्रम तय गरेको मन्दिर समितिले जनाएको छ ।
भदौ ४ गते दिनको २ः३० बजे उद्घाटन ३ः०० बजे बाट राधाकृष्ण मन्दिरबाट रथयात्रा प्रारम्भ हुनेछ । राधाकृष्ण मन्दिरबाट महेन्द्र चोक हुँदै सरकारी वकिल कार्यालयको बाटो सखुवागाछि हुँदै सोमबारे बाट कृषि बिकाश बैंक हुँदै बजारको इनार चोक देखि बस चोक हुँदै सहमती चोक हुदै राधाकृष्ण मन्दिर सम्म परिक्रम गरिनेछ । आयोजकले आम जनसमुदायलाई सहभागिताका लागि अपिल समेत गरेको छ ।
सुनसरी जिल्ला स्थित इनरुवा नगरपालिका वडा न।३ राधाकृष्ण मन्दिरबाट सदाका बर्ष झै यसपाली पनि श्री कृष्ण जन्माष्टमिका दिन निम्न कार्यक्रम रहेको हुनाले श्रदालु भक्तजनहरु सहभागी भइ दिनुहुन हार्दिक अनुरोध गरेका छन् ।