माघ २६ गते,विराटनगर : विराटनगरबाट स्रोत नखुलेको ९ लाख २० हजार रुपैयाँ सहित एकजनालाई प्रहरीले पक्राउ गरेको छ।
विराटनगर महानगरपालिका-१० सोमबारे चोकबाट स्रोत नखुलेको नेपाली नगद ९ लाख २० हजार रुपैयाँ सहित विराटनगर महानगरपालिका-१९ बस्ने ४१ वर्षीय रञ्जितकुमार साहलाई बुधबार राति प्रहरीले पक्राउ गरेको हो।
सिआरभी घोगापुलबाट खटिएको प्रहरीले बिआर ३८ एन ४९३० नम्बरको मोटरसाइकल जाँच गर्ने क्रममा मोटरसाइकलमा सवार उनलाई उक्त नगद सहित फेला पारी पक्राउ गरिएको हो।
घटनाबारे थप अनुसन्धान गरिरहेको प्रहरीले जनाएको छ।
