गनेश कुमार यादव
फागुन १८ गते,इनरुवा । सुनसरीको काेशी गाउँपालिका वडा नं-८ भाण्टाबारी स्थित नेपाल-भारत जाेड्ने तिनकुनेमा राष्ट्रिय झण्डा फहराइएको छ ।
शुक्रबार बिहान भण्टाबारी स्थित रहेको तिनकुने सिमामा सुनसरी जिल्लाका प्रमुख जिल्ला अधिकारी जयनारायण आचार्य लगायतकाे टाेलीले राष्ट्रिय झण्डा फहराइएको हो । 
कोशी प्रदेशसभा सदस्य इस्राइल मन्सुरी, जिल्ला प्रहरी कार्यालय सुनसरीका प्रहरी उपरीक्षक विपिन रेग्मी,प्रहरी नायव उपरीक्षक नवीन कृष्ण भण्डारी, सशस्त्र प्रहरी प्रमुख, सुनसरी भन्सार कार्यालयका निमित्त प्रमुख,उद्योग वाणिज्य संघ इनरुवाका अध्यक्ष बिरेन्द्र साह, लगायतको उपस्थितिमा प्रजिअ आचार्यले राष्ट्रिय झण्डा फहराएका हुन्।
केही दिनअघि जिल्ला सुरक्षा समिति सुनसरीले सिमानाकामा गरेकाे पदयात्रामा सिमाना नेपालकाे राष्ट्रिय झण्डा देखिएकाे थिएन । राष्ट्रिय झण्डा नभएकाे कारणले नेपाल प्रवेश गर्ने मानिसले कहाँ नीर नेपाल हाे भन्ने थाहा समेत पाउन सकेका थिएनन् । ती सबै समस्या देखेर जिल्ला सुरक्षा समितिले सुनसरीले नेपालकाे सिमा झल्कनेगरी राष्ट्रिय झण्डा रखिएकाे प्रजिअ आचार्यले जानकारी दिनुभयाे । आगामी दिनमा सुनसरीसंग जाेडिएकाे सिमानामा पनि अभियानकै रुपमा राष्ट्रिय झण्डा लगाउने प्रजिअ आचार्यले जानकारी दिए ।
सिमानामा राष्ट्रिय झण्डा फहराएपछि नेपाल भारत आवतजावत गर्ने यात्रुहरु खुशी भएका थिए । यश अघि नेपालबाट भारत तर्फ जाँदा भारतकाे सिमानामा “गेट” लगाएकाे थियाे भने भारतबाट नेपाल आउँदा सुनसान रहेकाे दृश्य थियाे,आजबाट उक्त सुनसान दृश्य हटेकाे र राष्ट्रिय झाण्डा फहरिएकाेले यात्रुहरु खुशी भएका हुन् ।
