चैत २१ गते, इनरुवा । देशभर नै चैत १५ गतेबाट सुरु भएको माध्यमिक शिक्षा परीक्षा एसईईमा विद्यार्थीहरुले खुलेआम चिट चोरिरहेको गुनासो बाहिर आएको छ ।
परीक्षा दिन जाँदा बाहिर विद्यार्थीहरुको केही चेकजाच गरे जस्तो गरिन्छ तर पनि परीक्षा हलमा गेस पेपर, गाईड, मोबाइल भित्रिन्छ । कतिपय कार्यालय सहयोगीलाई केही रकम दिएर गेस पेपर,गाईड,मोबाइल भित्राउँछन् भने कतिपयलाई परीक्षामा खटिएका निरीक्षक(गार्ड)ले नै चिट चोर्न सहज बनाएको श्रोतले जनाएको छ । श्राेतका अनुसार कक्षामा भने विद्यार्थी एकआपसकाे ठाउँसमेत परिवर्तन गरि माेवाइलकाे सहयाेगमा परीक्षा दिरहेका छन् ।
इनरुवाका अधिकांश एसईईका सेन्टरमा परीक्षा कडाइकासाथ लिरहेको बाहिर देखाएको भएपनि भित्र भने खुलेयाम चिट चोर्ने र चोराउने गरेको पाइएको छ ।
श्रोतका अनुसार विद्यार्थीले मोवाईलमा प्रश्नपत्रको फोटो खिचेर बाहिर साथीभाई, शिक्षक वा टियुुसन पढाउने शिक्षक लगायतका व्यक्तिलाई पठाउने र प्रश्नपत्र पाएपछि उत्तरको फोटो खिचिरे पुनः विद्यार्थीलाई पठाउने गरिएको देखिएको छ । परीक्षा सुरुहुनासाथ विद्यार्थी तथा शिक्षकहरु अनलाइनमा देखिन्छन् ।
परीक्षा हलमा रहेका गार्डले पनि विद्यार्थीलाई चिट चोर्न छुट दिरहेका हुन्छन् र बाहिरबाट कोही चेकजाच वा निरीक्षणमा आउन थालेको सूचना आएपछि केही कडाई गरेको जस्तो गर्ने र सतर्क गराउने गरेका छन् ।
उता सामुदायिक विद्यालय व्यवस्थापन समिति महासंघका इनरुवा अध्यक्ष जयकृष्ण यादवले एसईईमा बालबालिकालाई चिट चोर नबनाउ अपिल गर्नुभएको छ । यादवले परीक्षा बोर्डका निर्देशक, प्रदेश परीक्षा बोर्ड, प्रदेश परीक्षा सञ्चालन तथा व्यवस्थापन समिति, जिल्ला परीक्षा समन्वय समिति सुनसरीलाई समेत चिट चोर्ने कार्य बन्दका लागि जानकारीका लागि अनुरोध सहित इमेल लेख्नुभएको छ ।
यादवले परीक्षाको बाहिर अनुगमन र केन्द्रमा गरिएको अनुगमन, देखिएको दृष्य र प्रतिकृयाको आधारमा के पाइएको छ भने सदरमुकाम इनरुवा सहित धेरै परीक्षा केन्द्रमा परीक्षा बोर्डले भनेको भन्दा फरक र प्रतिबन्धीत ठूला मोवाईल र गाईड, पेस पेपर, नोटबुक निर्वाद रुपमा परीक्षा केन्द्रमा प्रयोग पाइएको जानकारी दिनुभयो ।
पढाउने बेलामा बास्ता नगर्ने शिक्षक र अभिभावक दुवैको दबाव , टियुसन पढाउने शिक्षक र केही नीजिका सञ्चालनको सेटिगंमा सुनसरीको सदरमुकाम समेत रहेको इनरुवा नगरपालिका २ को एक वटा परीक्षा केन्द्र र इनरुवा ९ कोे एक परीक्षा केन्द्रमा केन्द्राध्यक्ष र निरीक्षककै मिलोमतोमा गेटमा चेकजाच समेत नगरि निर्वाद रुपमा मोवाईल र गाईड गेस पेपर परीक्षा केन्द्रमा लगि चिटको रुपमा प्रयोग गरीरहेकोले उक्त परीक्षा केन्द्रमा उच्च स्तरीय अनुगमन गरि दोषीहरुलाई कार्वाही गरि परीक्षाको मर्यादा र गरिमा कायम राख्न अनुरोधका साथसम्बान्धीत निकायलाई ध्यानाकर्षण गरेका छन ।
परीक्षालाई मर्यादिन बनाउन नसक्दा शैक्षिक गुणस्तर कायम हुन नसक्ने भएकाले माध्यमिक शिक्षा परिक्षा (एसईई) परीक्षा केन्द्रमा केन्द्राध्यक्ष र निरीक्षक, परीक्षार्थी समेतको केन्द्रमा प्रवेशका बेला शरिर खानतलासी गरि निर्वाद रुपमा चिट चोर्ने उदेश्यले मोवाईल र गाईड गेस पेपर परीक्षा केन्द्रमा लगिरहेको कार्यलाई निरुत्साहित गर्न आवश्यक छ ।
यसमा निगरानी बढाउन र बालबालिकाहरुलाई चिट चोरबाट जोगाउन अनुरोध गरेको छ । आजका बालबालिका भोलिका कर्णधार भएकाले सबै शिक्षक प्रअ, शिक्षक, निरीक्षक र अनुगमन कर्ताहरु बालबालिकाहरुलाई चिट चोर हुनबाट जोगाउन जरुरी छ ।
