असाेज ७ गते,काठमाडौं । नेपाली चलचित्र प्रेम गीत-३ आजदेखि नेपाल-भारतसहित विभिन्न देशमा एकसाथ प्रदर्शनमा आएको छ । चलचित्रको हिन्दी संस्करण विश्वभरका १२०० पर्दामा प्रदर्शनमा आएको छ । नेपालमा भने आजदेखि नेपाली संस्करण मात्रै प्रदर्शनमा आएको हो ।
हिन्दी संस्करण घटस्थापना अर्थात आगामी सोमवारदेखि प्रदर्शन गर्ने तयारी छ । ‘प्रेम गीत ३’ ले नेपालमा मल्टिप्लेक्स हलहरूमा उच्च शो पाएको छ । मल्टिप्लेक्स् अन्तर्गतको सबैभन्दा ठूलो चेन क्यूएफएक्सले मात्रै चलचित्रलाई प्रदर्शनको पहिलो दिन ७७ शोज् दिएको छ ।
चलचित्र हेर्न दर्शकहरूको उपस्थिति बिहानैदेखि उत्साहजनक रहेको हल संचालकहरुले बताएका छन् । स्वर्गीय छेतेन गुरुङ र सन्तोष सेनको निर्देशन रहेको चलचित्रमा प्रदीप खड्का, क्रिष्टिना गुरुङको शीर्ष भूमिका छ ।
