गनेश कुमार यादव।पाैष ३ गते, इनरुवा। सुनसरीको इनरुवामा अन्तर्राष्ट्रिय आप्रवासी कामदार दिवसको अवसरमा अन्तरक्रिया तथा सम्मान कार्यक्रम सम्पन्न भएकाे छ ।
आइतबार इनरुवा नगरपालिकाकाे सभा हलमा सुरक्षित आप्रवासन परियाेजनाकाे आयाेजनामा अन्तरक्रिया तथा बैदेशिक राेजगारिबाट फर्केर नेपालमै बैदेशिक राेजगारकाे क्रममा सिकेका सिपकाे सदुपयाेग गर्दै काम गरिरहेका ५ जनालाई सम्मान गरिएकाे हाे ।
इनरुवा,धरान,भा्क्राहा नरसिंह गाउँपालिकाका पाँच जनाले बैदेशिक राेजगारकाे क्रममा सिकेका सिपकाे सदुपयाेग गर्दै काम गरिरहेकाेले थप हाैसला प्रदान गर्ने र अन्य बैदेशिक राेजगारमा रहेका नेपालिहरुले पनि आफ्नै देसमा बिदेशमा सिकेका सिपहरुकाे प्रयाेग गरि आफ्नै देशमा राेजगारी सृजना गर्ने उदेश्यले उनिहरुलाइ सम्मान गरेकाे सुरक्षित आप्रवासन परियाेजनाका संयाेजक धिरज भट्टराईले जानकारी दिए ।
धरानकी ममता मोते, इनरुवाका मुन्ना गुप्ता,दिलिपकुमार पण्डित, अशोक कुँवर, भोक्राहा नरसिंहका बेचन यादवलाई सम्मान गरिएकाे हाे ।
“बैदेशिक राेजगारीबाट प्रप्त सीप,पूँजी र ज्ञान उद्यमशिलता, राेजगारी र राष्ट्रिय स्वाभिमान।” काे मुल नाराकाे साथ सरोकारवालाबीच अन्तरक्रिया तथा आप्रवासी सम्मान कार्यक्रम सम्पन्न गरिएकाे जनाइएकाे छ ।
सुरक्षित आप्रवासन परियोजना नेपाल सरकार र स्विट्जरल्याण्ड सरकारबीचको द्विपक्षीय सम्झौताअनुसार श्रम रोजगार तथा सामाजिक सुरक्षा मन्त्रालयमार्फत इनरुवा नगरपालिका, धरान र इटहरी उपमहानगरपालिका तथा भोक्राहा नरसिंह गाउँपालिकामा सञ्चालन रहेको छ ।
उक्त कार्यक्रम इनरुवा नगरपालिका वडा नं-५ का वडा अध्यक्ष अनिल कुमार पाेखरेल,उद्योग वाजिज्य संघ इनरुवाका अध्यक्ष बिरेन्द्र साह,प्रमुख जिल्ला अधिकारी इन्दरदेव यादव लगायतले शुभकामना मन्तव्य राखेका थिए ।
सुरक्षित आप्रवासन परियाेजनाका संयाेजक धिरज भट्टराईले सुरक्षित आप्रवासी परियाेजना अन्तर्गत हाल सम्म सुनसरीबाट बैदेशिक राेजगारीमा गएर ठगिएका,मृत्यु भएका लगायतका तथ्यांकहरु पेस गरेका थिए । 
तथा परियाेजना अन्तर्गत बैदेशिक राेजगारमा गएर काम नपाएका,एजेन्टबाट ठगिएका मानिसहरुकाे उद्दार तथा राेजगारिका लागि बैदेशिक राेजगारीमा जानलागेका मानिसहरुलाई सिपमुलक तालिम तथा परामर्श दिएका तथ्यांक समेत प्रस्तुत गरिएकाे थियाे ।
उक्त कार्यक्रममा प्रमुख अतिथि प्रमुख जिल्ला अधिकारी इन्द्रदेव यादव विशिष्ट अतिथि उद्योग वाणिज्य संघ इनरुवाका अध्यक्ष बिरेन्द्र साह,इनरुवा नगरपालिका वडा नं-१,२,५,६ का वडा अध्यक्ष सहयात्रा मंचकी अध्यक्ष बिनिता दाहाल गलायतकाे उपस्थिति रहेकाे थियाे ।
इनरसवा नगरपालिका वडा नं-६ का वडा अध्यक्ष हिकमत सिंहकाे अध्यक्षतामा उक्त कार्यक्रम सम्पन्न भएकाे थियाे ।
