पुस २८ गते,इनरुवा । फ्रि भिसा फ्रि टिकट भन्दै लाखौं ठगी गरेका इनरुवा-९ बबियाघर भएका बिजय मेहतालाई कार्वाही गर्न जिल्ला प्रशासन कार्यालयमा उजुरी दायर गरेकाे छ ।
बिहिवार देवानगंज गाउँपालिका वडा नं-७ का २१ जनाले जिल्ला प्रशासन कार्यालय सुनसरीमा एकसाथ उजुरी दायर गरेकाे हाे ।
मेहताले देवागंज गाउपालिका वडा नं-७ काे २३ जना युवाहरुलाई फ्रि भिसा, फ्रि टिकट सुविधामा पठाएकाेर उनीहरुसँग लाखौं रुपैयाँ लिएकाे पाइएकाे छ ।
सरकारी श्रम सुविधा फ्रि भिसा, फ्रि टिकटमा युवाहरुलाई मेहताले द्धितिया इन्टरनेशनल कम्पनी मार्फत मलेसिया पठाएकाे हाे ।
जिल्ला प्रशासन कार्यालय सुनसरीले उक्त उजुरी दर्ता गरि आवश्यक कार्वाहीकाे लागि जिल्ला प्रहरी कार्यालय सुनसरीमा पठाएकाे छ । उक्त विषयकाे सत्य तथ्य छानवीन गरि चाँडै आवश्यक कार्वाही अगाडि बढाउने जिल्ला प्रहरी कार्यालयल सुनसरीले जनाएकाे छ ।
मलेसिया गएका युवाहरुले अहिले कम्पनीको एग्रिमेन्ट अनुसार तलव सेवा सुविधा नपाएकाे मेहतालाई बारम्बार गुनासाे गरेकाे देवानंज-७ का गणेश प्रशाद यादवले जानकारी दिनुभयाे । नेपालबाट २३ सय मलेसियन रिङ्गेट दिने कम्पनीकाे एग्रिमेन्टमा उल्ख छभने हाल कसैले ८ सय कसैले १२ त कसैले १५ सय मलेसियन रिङ्गेट पाइरहेको यादवले जानकारी दिनुभयो ।
यश विषयमा बिजय मेहतालाई सम्पर्कगर्दा उनिसंग सम्पर्क हुनसकेन ।
