गनेश कुमार यादव
इनरुवा । सुनसरीको हरिनग गाउँपालिकामा इलाका प्रशासन कार्यालय हरिनगरा,सुनसरीको नव निर्मित भवन हस्तान्तरण कार्यक्रम सम्पन्न भएको छ ।
शुक्रबार हरिनगर गाउँपालिका स्थित एक कार्यक्रम बिच इलाका प्रशासन कार्यालय हरिनगरा,सुनसरीको नव निर्मित भवन हस्तान्तरण कार्यक्रम सम्पन्न भएको हो ।
नव निर्मित भवनमा जिल्ला प्रशासन कार्यालय सुनसरीकी प्रमुख जिल्ला अधिकारी हुम्मला पण्डेले हिन्दु परम्परा अनुसार विधिवत् रुपान पुजापाठ गरेपछी प्रजिअ पाण्डे, हरिनगर गाउँपालिका अध्यक्ष गफार अन्सारी तथा प्रदेश सांसद रामप्रसाद मेहता,हाजी इस्रलाईल मन्सुरीले संयुक्त रुपमा रिवन काटेर उद्घाटन गरेकी गरोमका थिए ।
हरिनगर गाउँपालिकाका वडा नं–४ निवासी स्वर्गिय संझादेवी मेहताको पुण्य स्मृतिमा निजका छोरा राजकुमार मेहता र विजयकुमार मेहताले दुई कट्ठा १९ धुर ७५ प्वाइन्ट जग्गा इलाका प्रशासन कार्यालय हरिनगरको भवन निर्माणका लागि दान दिएका थिए । उक्त जग्गामा संघीय सरकारको शहरी विकासको लागतमा १९ कोठे सुविधासम्पन्न अपांगमैत्री भवन निर्माण भएको हरिनगर गाउँपालिकाका अध्यक्ष गफार अन्सारीले जानकारी दिए ।
उक्त भवन साह जेवी कन्ट्रक्सन प्रालिले भवन निर्माणको काम तोकिएको समयमा निर्माण सम्पन्न गरेका थिए । वि.स. २०७८ जेठ ५ गते भएको सम्झौता अनुसार दुई करोड १३ लाख लागतमा भवन निर्माणको काम २०८० जेठ २ गते सम्पन्न गर्नुपर्नेमा समयमा उक्त भवन सम्पन्न एको अध्यक्ष अन्सारीले जानकारी दिए ।
उक्त कार्यालयले सुनसरी जिल्लाको सीमावर्ती बर्जु, देवानगञ्ज र हरिनगर गाउँपालिका गरि तीन स्थानीय तहका एक लाख २५ हजार जनससंख्यालाई सेवा दिनेगरी भवन निर्माण भएको इलाका प्रशासन कार्यालयका प्रमुख सगमलाल चौधरीले जानकारी दिए ।
उक्त कार्यक्रममा २० औँ निजामती सेवा दिवसका अवसरमा जिल्ला प्रशासन कार्यालय सुनसरीका उत्कृष्ट कर्मचारीलाई सम्मान समेत गरिएको थियो । उत्कृष्ट कर्मचारीका रूपमा नायब सुब्बा मनु पोखरेलसहित सात जना कर्मचारीलाई पुरस्कारसहित सम्मान गरिएको थियो ।
उक्त कार्यक्रमको अवसरमा प्रमुख जिल्ला अधिकारी हुम्मला पण्डे,कोशी प्रदेश सभा सदस्य रामप्रसाद मेहता,सदानन्द मण्डल, बर्जु गाउँपालिका अध्यक्ष जिवछ राय, देवानगञ्जका बेचन प्रसाद मेहताले बृक्षारोपण समेत गरेका थिए ।
उक्त कार्यक्रममा प्रमुख जिल्ला अधिकारी हुम्मला पण्डे,कोशी प्रदेश सभा सदस्य रामप्रसाद मेहता, हाजी इसराईल मंसुरी, सदानन्द मण्डल, बर्जु गाउँपालिका अध्यक्ष जिवछ राय, देवानगञ्जका बेचन प्रसाद मेहता र प्रहरी उपरीक्षक प्रभु प्रसाद ढकाल, वडा अध्यक्षहरुको उपस्थिती रहेको थियो भने स्थानीयहरुको उत्साहजनक सहभागिता रहेको थियो ।
हरिनगर गाउँपालिका अध्यक्ष गफार अन्सारीको अध्यक्षता उक्त कार्यक्रम सम्पन्न भएको थियो ।
