जनकपुरधाम । रौतहटको कटहरी नगरपालिका ५ मा छुरा प्रहार गरी स्थानीय एक युवकको हत्या गरिएको छ ।
केहि व्यक्तिले शुक्रवार राति करिब ८ बजे छुरा प्रहार गरी २५ वर्षीय सनीलराय यादवको हत्या गरेको हुन् । उनको देब्रे कोखामा छुरा प्रहार गरिएको छ ।
अचेत अवस्थामा यादवलाई उपचारका लागि स्थानीयले प्राथमिक स्वास्थ्य केन्द्र कटहरिया लगेको थियो । उनलाई लगेलगत्तै चिकित्सकले मृत घोषणा गरेको बुझिएको छ ।
घटना अघि यादवका दाजुभाइ र अर्को पक्षबीच विवाद भएको थियो । सोही क्रममा यादवको कोखामा छुरा प्रहार भएको प्रहरीले जनाएको छ ।
रौतहटका प्रहरी प्रमुख एसपी महेन्द्र श्रेष्ठले के कारणले यादवमाथि छुरा प्रहार गरिएको र घटनामा संलग्न केही व्यक्तिलाई नियन्त्रणमा लिएर अनुसन्धान गरिरहेको जानकारी दिए ।
स्रोतका अनुसार प्रहरीले छुरा प्रहार गरेको आरोपमा बद्री साह सोनार र उनका काका किसन साहलाई पक्राउ गरेको छ ।
