गनेश कुमार यादव
पाैष ६ गते,इनरुवा । सुनसरीको सदरमुकाम इनरुवामा राष्ट्रिय बजरंग दल जिल्ला कार्यसमिति सुनसरीले संस्कृति, पर्यटन तथा नागरिक उड्डयनमन्त्री सुदन किरातीकाे पुत्ला दहन गरेकाे छ ।
शुक्रबार साँझ इनरुवा-१ लाेकतान्त्रीक चाैकमा विभिन्न नारा लगाउँदै मन्त्री सुदन किरातीकाे राजिनामा माग गर्दै राष्ट्रिय बजरंग दल जिल्ला कार्यसमिति सुनसरीले पुत्ला दहन गरेकाे हाे ।
९४ प्रतिशत ओमकार परिवार र सनातन धर्मालम्बीहरुको आस्था र विश्वास माथि मन्त्री किरातीले प्रहार र अपमान गरेको भन्दै उनिहरुले पुत्ला दहन गरेका राष्ट्रिय बजरंग दल जिल्ला कार्यसमिति सुनसरीले जनाएकाे छ । मन्त्री किरातीले आपत्तिजनक, अमर्यादित र गैरजिम्मेवारपूणर् अभिव्यक्ति दिएको भन्दै दलले मन्त्री किरातीले तत्काल राजीनामा दिनुपर्ने माग समेत गरेकाे छ ।
संस्कृति मन्त्री किरातीले क्रिश्चियन धर्म नमान्नेहरु देशद्रोही र संविधान विरोधी भएको त्यस्तालाई जेलमा कोच्नु पर्ने विवादास्पद अभिव्यक्ति दिएका थिए ।
मन्त्री किरातीकाे पुत्ला दहनकाे क्रममा राष्ट्रिय बजरंग
दलका कारयकर्ता तथा प्रहरीहरु विच सामान्य घम्साघम्सी समेत भएकाे थियाे ।
