पुस ११ गते ,इनरुवा । सुनसरीको इनरुवामा कुडुख.(उराँव) भाषा पढाई प्रवाहको लागि पाठ्यक्रम निर्माण सम्बान्धी तीन दिने कार्यशाला गोष्ठी सुरु भएको छ ।
इनरुवा नगरपालिका वडा नं-२ स्थित रहेकाे नेपाल उराँव आदिवासी जनजाती प्रतिगठान सुनसरीको आयोजना तथा हिमाली आदिवासी समाजको सहयोगमा तीन दिने कार्यशाला गोष्ठी सुरु बुधबार(आज) भएको हो ।
कार्यशालामा हिमाली आदिवासी समाजका म्यानेजर छिचीम्पा ल्होमी र कार्यक्रम संयोजक टेसीडेमा भोटे सहितले सहजिकरण गरिरहनुभएको आयोजक संस्थाका सम्पतलाल उराँवले जानकारी दिनुभयो ।
बुधबार उद्घाटन भएको तीन दिने कार्यशाला गोष्ठीमा सुनसरीका १८ जना उराँव समुदायका युवा र बौद्धिक वर्गको सहभागिता रहेको छ । गोष्ठीको उद्घाटन कार्यक्रम प्रतिगठानका अध्यक्ष बेचन उराँवको अध्यक्षतामा भएको जनााएको छ । सहभागीहरुलाई हिमाली आदिवासी समाजको सहयोगमा तीन दिने कार्यशाला गोष्ठी सुरु भएको हो ।
कार्यक्रमका वत्ताहरुले उराँव भाषामाथि विभिन्न समुदायबाट आक्रमण भइरहेकाले त्यसबाट सचेत रहदै भाषा संरक्षणमा लाग्नुपर्नेमा जोड दिएका छन । नेपालको संविधान अनुसार मातृभाषालाई संरक्षण गर्ने अधिकार दिएकाले त्यसलाई उपयोग गर्दै पाठ्यक्रम लागू गर्न आफूहरु लागि परेको अध्यक्ष उराँवले बताउनुभयो ।
सुनसरी जिल्ला सहित अन्य थाउँका उराँव कथाकार, साहित्यकार र भाषा विज्ञले मातृभाषा कथा, उपन्यास, विषय बस्तु र पाठ्य बस्तु समावेश गर्ने र त्यसको प्रकाशन गर्ने बताइएको छ । राष्ट्रिय जणगणना २०७८ अनुसार १२३ भाषा मध्ये कुडुख (उराँव) भाषा पनि एक भएको उल्लेख गरिएको छ ।
