पुस १८ गते,इनरुवा । सुनसरीको इनरुवामा युवा दिवसकाे अवसरमा रक्तदान कार्यक्रम सम्पन भएकाे छ ।
बुधबार इनरुवा-१ शान्ति चाैक स्थित रहेकाे सानिका बैंक अगाडि मारवाडी युवा मञ्च इनरुवाका अध्यक्ष अंजनी चित्लाङ्गियाकाे अध्यक्षता तथा इनरुवा नगरपालिका वडा नं-१ का वडा अध्यक्ष प्रमाेद पाेखरेलकाे प्रमुख आतिथ्यतामा उक्त कार्यक्रम सम्पन्न भएकाे हाे ।
साेही अवसरमा मारवाडी युवा मञ्च इनरुवाले प्रभातफेरी गर्दै इनरुवा-१ स्थित रहृकाे हनुमान मन्दिरमा हनुमान चालिसा पाठ समेत गरेकाे थियाे।
कार्यक्रममा इनरुवा नगरपालिका वडा नं-१ का वडा अध्यक्ष प्रमाेद पाेखरेलले रक्तचन्दान कार्यक्रम सहर केन्द्रित भैरहेकाे छ,एस्लाई गाउँ केनद्रित कार्यक्रम गर्नु पर्ने बताउनुभयो ।
उक्त कार्यक्रममा रेडक्रस साेसाईटी नेपाल धरान उपशाखाकाे प्राविधिक सहयोगमा ४१ पिन्ट रगत संगकलन गरिएकाे मारवाडी युवा मञ्च इनरुवाका अध्यक्ष अंजनी चित्लाङ्गियाले जानकारी दिनुभयाे ।
कार्यक्रम उद्योग वाणिज्य संघ इनरुवाका उपाध्यक्ष गिरिजा अटल,मुना गुप्ता,अनिल स्वर्णकार,साैरव अटल लगायतकाे उपस्थिति रहेकाे थियाे ।
