चैत ९ गते, इनरुवा । इनरुवा नगरपालिका क्षेत्रमा रहेका सरकारी विद्यालयमा २०८० सालको बार्षिक परिक्षा सञ्चालन भैरहँदा कतिपय विद्यालयमा भने विद्यार्थीहरुनै परिक्षा दिन नआएर शिक्षकहरु प्रश्नप्रत्र मात्रै बनाएर बस्ने गरेको पाइएको छ ।
इनरुवा १ नम्बर वडामा रहेको चाँदनी आधारभुत विद्यालयमा बिहीबार १२ बजे कक्षा कोठामा तालाचाबी लागेको अवश्थामा शिक्षकहरु कार्यालयको कोठामा बसिरहेका थिए ।
बाक्लो बस्तीका बिचमा रहेको यस विद्यालयमा नियमित रुपमा विद्यार्थी नआउने समस्यासँगै बार्षिक परिक्षामा समेत विद्यार्थी विद्यालय नआएको पाइएको हो ।
विद्यालयका शिक्षकहरुले भने १० बजे आएका विद्यार्थी एक घण्टा विद्यालयमा बसेर घर गएको दावी गरेका छन ।
विद्यार्थी नभएको विद्यालयमा कार्यरत रहेका शिक्षकहरु कार्यालय कोठामा बसेर विद्यार्थी नआउनुको कारण नगरपालिकाले भौतिक पूर्वाधार विकासका लागि आवश्यक कक्षा कोठा भवन र वातावरण बनाउन नसकेको दावि गरिरहेका थिए।
प्रधानअध्यापक आरती श्रेष्ठले अति गरिब विपन्न परिवारका २५ जना विद्यार्थी विद्यालयमा अध्ययनरत रहेको दावी गर्दै नियमित विद्यालय भने नआउने गरेको बताएकी छीन ।
श्रेष्ठले भौतिक पूर्वाधारसहितको भवन भएको खण्डमा विद्यालयमा खचाखच विद्यार्थी आउने दावी गरिन ।
चैत २ गतेबाट बार्षिक परिक्षा सुरु भएको इनरुवा नगरक्षेत्रमा चाँदनी आधारभुत विद्यालय जस्तै इनरुवाका अन्यमा रहेका आधा दर्जन विद्यालयमा मुस्किलले १० जनाभन्दा बढी विद्यार्थीहरु विद्यालयमा वार्षिक परिक्षामा सहभागी हुन आएका थिएनन् ।
इनरुवा १ नम्बर वडाका वडाअध्यक्ष प्रमोद पोखरेलले वार्षिक परिक्षामा विद्यार्थी आए नआएकोे अनुगमन गरि यकिन गरिने बताए ।
वडाअध्यक्ष पोखरेलले चाँदनी विद्यालयमा विद्यार्थीको सहभागीता न्युन रहेकाले विकल्पमा छलफल गरि ठोस निर्णय गरिने बताए ।
यस विद्यालयलाई पायक पर्ने विद्यालयमा समायोजन गर्ने की अग्रेजी माध्यमबाट पठनपाठन गरि स्तरउन्नती गरेर लैजाने भन्ने दुईवटा विकल्पमा छलफल गरेर जाने तयारीमा रहेको पोखरेलले बताए ।
इनरुवा नगरपालिकाका प्रमुख प्रशासकिय अधिकृत डिल्लीराज निरौलाले विद्यार्थी नआउने समस्या देखिएको चाँदनी आधारभुत विद्यालयलाई आउदो शैक्षिक सत्र २०८१ सालको वैशाखको पहिलो हप्ताभित्रमा नजिकको विद्यालयमा समायोजन गर्ने अन्तीम तयारी भएको जानकारी दिए ।
प्रमुख प्रशासकिय अधिकृत निरौलाले बालमन्दीर माविमा जनशक्ति अभाव भएका कारण मावि तह संचालनमा समस्या आएकाले चाँदनीलाई त्यसै विद्यालयमा समायोजन गर्ने तयारीमा रहेको बताए ।
यसैगरि इनरुवा ८ नम्बर वडामा रहेको सरस्वती आधारभुत विद्यालय र बीपी आधारभुत विद्यालयलाई समायोजन गर्ने निर्णय भएको निरौलाले बताए ।
इनरुवा ९ नम्बर वडामा रहेको फुल आधारभुत विद्यालय र शहिद श्यामसुन्दर आधारभुत विद्यालयलाई समायोजन गर्नेसमेत जानकारी निरौलाले दिए ।
श्राेत : वर्णमाल दैनिक
