इनरुवा । सुनसरीकाे इनरुवा ५ बलाहामा थारु महिलाहरुले जितिया पर्व विषेशको अबसरमा जितिया पावैन एवम् सांस्कृतिक कार्यक्रम सम्पन्न गरेको छ ।
सनिबार इनरुवा नगरपालिका ५ नम्बर वडा कार्यालय बलाहाको प्रयायोजन तथा थारु कल्याणकारीणी सभा वडा कार्य समिति इनरुवा ५ बलहाको आयोजना तथा बलाहाबासीको सहयोगमा सांस्कृतिक कार्यक्रम सम्पन्न गरेको हो ।
थारु समुदायको अग्रज संस्था थारु कल्याणकारीणी सभा इनरुवा ५ बलाहाले विभिन्न सांस्कृतिक कार्यक्रमको आयोजना गर्दै आएको सन्दर्भमा थारु महिला सभा समेतको समन्वयमा जितिया विषेशको अवसरमा सांस्कृतिक कार्यक्रम सम्पन्न गरेको सभाले जनाएको छ । इनरुवा नगरपालिकाको थारु बाहुल्य रहेका सबै वडाका महिला तथा युवा किसोरीहरुको उपस्थितीमा भव्यताका साथ जितिया पावैन एवम् सांस्कृतिक कार्यक्रम सम्पन्न भएको सभा रोहीत चौधरीले जानकारी दिनुभयो । कार्यक्रममा नगर प्रमुख केदार भण्डारी, पूर्व नगर प्रमुख खेमराज पोखरेल, थारु कल्याणकारीणी सभाका इनरुवा अध्यक्ष रोहित चौधरी, आदीबासी जनजाती महासंघ इनरुवा अध्यक्ष दुलीचन्द चौधरी(डीसी) , इनरुवा ५ का वडा अध्यक्ष अनिल पोखरेल, नेकपा एमालेका नेता एवम् सोही पार्टीबाट नगरका उम्मेदबार समेत रहनुभएका सरोज पोखरेल, पत्रकार जयकृष्ण यादव, गणेश यादव, लक्ष्मी दंगाल समेतको उपस्थिती रहेको थियो । यसैविच, जितिया पर्वको पूर्व अवसरमा जितिया सांस्कृतिक कार्यक्रममा थारु पहिरण र गीत, नाच प्रस्तुत गरिएको छ ।
थारु महिलाहरुले मनाउने जितिया पर्वको कथाको बारेमा राजकुमारी चौधरी, सर्मिला चौधरी, फौगनी चौधरी र ममता चौधरी, उर्मिला चौधरी सहितले वाचन तथा अभिनय गर्नुभएको थियो । जितिया विषेश कार्यक्रम अन्तरगत थारु साँस्कृतिक कार्यक्रम, बिरहैन, पराती, झुमरा, जटाजाटिन लोक नृत्य र आधुनिक अभिनय समेत प्रस्तुत गरिएको आयोजक समितिका अध्यक्ष सन्तोश चौधरीले जानकारी दिनुभयो ।
उक्त कार्यक्रममा प्रमुख अथिति इनरुवा नगरपालिकाका प्रमुख केदार भण्डारीले जितिया पर्वले थारु, मधेसी सहित नगरबासीलाई सुख, शान्ती, समृद्धि र भाईचाराको सम्बन्ध स्थापीत गर्ने भन्दै शुभकामना दिनुभयो । उहाँले सबै जातजाती, भाषाभाषी, धर्म संस्कृतिको सम्मान गर्नु नगरको दायित्व भएको बताउनुभयो । थारु सुमदायको महान पर्व जितियाले थारु सहित नगरबासीलाई सुख, शान्ती, समृद्धि र भाईचाराको सम्बन्ध स्थापीत गर्ने बताउनुभयो । उहाँले पर्वले एकआपसमा शुभकामना साटासाटसगैं सांस्कृतिक कार्यक्रमले संस्कृतिको जर्गेना गर्ने समेत बताउनुभयो ।
त्यसैगरी कार्यक्रममा सभा नेताहरु मोहीनारायण चौधरी, सगेन चौधरी, देवेन्द्र चौधरी, चन्द्रकला चौधरी, बद्रीलाल चौधरी, चन्द्रलाल चौधरी, सरोज चौधरी, विष्णु चौधरी, यमकुमार श्रेष्ठ, लालबहादुर श्रेष्ठ, दुर्गा दाहाल, शारदा भट्टराई, श्रीजना विश्वकर्मा , बुधनारायण चौधरी, रामनारायण चौधरी, पन्नालाल चौधरी सहितको उपस्थिती रहेको थियो ।
