नविन यादव
राजविराज । सप्तरीमा पछिल्लो समयमा आएर शिक्षा क्षेत्रमा स्तरोन्नती घटेर जानुको विभिन्न कारणहरु प्रस्तुत भएका छन् ।
बिधालयमा विषयगत शिक्षक नहुनु, भएरपनि कक्षा कोठामा शिक्षक नजाने र घण्टीको निर्धारित समयसम्म शिक्षकले कलास नलिनु साथै बिधार्थीले विषयगत पाठ्यपुस्तक नपाउनु, तोकिएको विदा बाहेक अन्य दिनहरुमा पनि बिधालय बन्द हुनु तथा पूराघण्टी पढाई नहुनु आदि कारण छन् ।
बिधालयको शैक्षिक अवस्थाको विभिन्न संकायहरु छन् तर ती संकायहरुको वास्तविक लेखाजोखा छैन प्राय बिधालयहरुमा ! स्थानिय सरकारले शिक्षालाई अनुगमन, स्तरबृद्घि लगायतका क्षेत्रमा ध्यान नदिदा जिल्लाको प्रायः जसो बिधालयहरुको पठन पाठन खस्किदै गएको स्थानियको भनाई छ । यसै संदर्भमा एउटा उदाहरणको रुपमा तिलाठी कोइलाडी गाउँपालिका वडा नम्वर ६ मधेपुरा स्थित ईन्द्र नारायण लक्ष्मी नारायण सिंह राष्ट्रिय प्राथमिक बिधालयलाई लिन सकिन्छ ।
कक्षा ५ सम्मको अध्ययन हुदै आएको यस बिधालयमा पूरा घण्टी पढाई हुदैन र कहिले कँहि कार्यालय सहयागीले कक्षा लिदै आएका छन् स्थानिय नविन सिंहले बताए । कासले कक्षा कोठामा सुतेरै भएपनि शिक्षकको अभावमा बिधार्थीहरुलाई अल्मल्याउने काम गरेको उनले थपे । यो लामो समयदेखि चल्दै आइरहँदापनि सम्बन्धित पक्षलाई कुनै चासो छैन । पहिलो जिम्मेवार व्यक्ति बिधालयका प्रधानाध्यापकले बिधालयको शैक्षिक गुणस्तर सम्बन्धि वास्ता नगरेपछि सरोकारवाला पक्षको ध्यान यतातर्फ केन्द्रित नभएको अनुमान गर्न सकिन्छ ।
बिधलयमा आवश्यक शिक्षक दरवन्दी लगायत सम्पूणर् व्यवस्थापनमा प्रअकै हात हुन्छ । प्रअ राम प्रसाद यादवलाई बिधालयको शैक्षिक गतिविधि तथा व्यवस्थापन विषय वारे जानकारी लिन खोज्दा बाहिर छु भन्दै पन्छिएका छन् ।
पालिका शिक्षा शाखा संयोजक चन्द्रभुषण रायले पनि यसवारे केहि बोल्न चाहेन । यस पालिकामा ४ वटा माध्यमिक बिधालय, २ वटा आधाभूत र ११ वटा प्रावि गरी जम्मा १७ वटा सामुदायिक बिधालयहरु छन्
