माघ १६ गते,इनरुवा । सुनसरीको इनरुवामा इनरुवा जेसीजले दीप प्रज्वलन गरि शहीद दिवस मनाएकाे छ ।
मंगलबार साँझ इनरुवा-१ लाेकतान्त्रीक चाैकमा शहीदहरुकाे सम्झनामा इनरुवा जेसीजले दीप प्रज्वलन गरि शहीद दिवस मनाएकाे हाे ।
वीर सहिद शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठको संघर्षमय जीवन र बलिदानको गाथा र प्रजातान्त्रिक आन्दोलनका अरू योद्धाहरूको योगदानमा इनरसवा जेसीजले दीप प्रज्वलन गरि शहीद दिवस मनाइएको जेसीज सत्यनारायण यादवले जानकारी दिनुभयो ।
नेपाली जनतालाई सार्वभौमसत्ता सम्पन्न नागरिक बनाउन जहानिया राणा शासन, निरङ्कुश पञ्चायती व्यवस्था तथा तानाशाही राजतन्त्रविरुद्ध प्रजातान्त्रिक क्रान्ति एवम् लोकतान्त्रिक जनआन्दोलनहरूमा आफ्नो जिवनको आहुती गरेका वीर सपूतहरूको सम्झनामा प्रत्येक वर्ष शहीद दिवस मनाइँदै आएको छ ।
माघ १६ गते(आज)देशभरी नै शहीदहरुको सम्झानामा विभिन्न कार्यक्रम गरि शहीद दिवस मनाइएको छ ।
उक्त कार्यक्रममा इनरुवा जेसीजका नव निर्वाचित पदाधिकारी तथा इनरुवा जेसीजका पूर्व अध्यक्षहरुकाे उपस्थितिमा वीर शहीदहरुकाे सम्झनामा दीप प्रज्वलन गरिएकाे थियाे ।
उक्त दीप प्रज्वलन कार्यक्रम इनरुवा जेसीज २०२४ का अध्यक्ष बिकेश मेहताकाे अध्यक्षतामा सम्पन्न भएकाे थियाे ।
