रामधुनीमा डु’बेर एक जनाको मृ’त्यु

इनरुवा, २०८२ मङ्सिर ४ गते । सुनसरी रामधुनी नगरपालिकामा रहेको रामधुनी मन्दिरमा बाला चतुर्दशी मेला गएको एक जनाको बुधबार डुबेर मृत्यु भएको छ ।
मृत्यु हुनेमा सुन्दरहरैँचा नगरपालिका–३ का ४१ वर्षीय देवेन्द्र भट्टराई रहेको सुनसरीका प्रहरी नायव उपरीक्षक चन्द्रबहादुर खड्काले जानकारी दिनुभयो ।
खोलामा डुबेका २ जना मध्यै १ जनालाई प्रहरीले जीवितै उद्धार गरेको छ ।
बालाचतुर्दशी मेलाका लागि रामधुनी मन्दिर पुगेका ३ जना तीर्थालु बिहान नुहाउनका लागि खोलामा गएका बेलामा भट्टराईको मृत्यु भएको र इनरुवा –५ का ५८ वर्षीय भीमराज काफ्ले तथा इटहरी उपमहानगरपालिका–१३ का रोहित काफ्लेलाई सकुशल उद्धार गरिएको प्रहरी नायव उपरीक्षक खड्काले जानकारी दिनुभयो ।