इनरुवा । सुनसरीको इनरुवा नगरपालिका वडा नं-४ स्थित सुनसरी खाेलामा सुनसरी पूजन सहित महाआरती हुने भएकाे छ ।
सनातन कुटुम्ब नेपालकाे आयाेजनामा मंसिर ११ गते साेमबार सुनसरी खाेलामा `पाचौं नमामि सुरसरि´सुनसरी पूजन सहित महाआरती हुनलागेकाे हाे ।
साेमबार सुनसरी पुलको दक्षिणी भाग दिउँसो ३ बजे देखि विधिवत् रुपमा पूजापाठ गरि साँझ ६ बजे महाआरती हुने सनातन कुटुम्ब नेपालले जनाएकाे छ ।
पौराणिक महत्वको अनुपम प्राकृतिक संपदा सुनसरी नदी जल तथा तटीय क्षेत्रको स्वच्छता एवं जल प्रवाहको निर्बाध गति प्रति जन जनमा सजगता र समर्पण बढोस् भन्ने उद्देश्यले सनातन कुटुम्बले कार्तिक पूर्णिमा सुनसरी पूजन महाआरती गरि ‘ नमामि सुरसरि’ गर्न लागेकाे सनातन कुटुम्ब नेपालले जनाएकाे छ ।
विगत चार बर्षदेखि सनातन कुटुम्ब नेपालले कार्तिक पूर्णिमा सुनसरी पूजन महाआरती ‘नमामि सुरसरि’ गर्दै आएकाे छ । उक्त महाआरतीमा इनरुवा लगायत इनरुवा आसपासका क्षेत्रका श्रद्धालु भक्तजनहरुकाे उत्साहजनक सहभागिता सुनसरी पूजन सहित महाआरती हुनेगरेकाे छ ।
