गनेश कुमार यादव
बैशाख ५ गते,इनरुवा । सुनसरीको काेशी गाउँपालिका वडा नं-३ स्थित रहेकाे श्री राष्ट्रिय माध्यमिक विद्यालय साेभनपुरमा साेही विद्यालयका सुरक्षा गार्डका छोरा जमिल मन्सुरीमाथि १५ बर्षिय किशोरीलाई जबर्जस्ती करणी गरेकाे आरोप लागेको छ।
बैशाख ४ गते शुक्रबार राति विद्यालय बन्द रहेकाे माैका छाेपी साेही विद्यालयका सुरक्षा गार्डका छाेरा जमिल मन्सुरीले राति करिव १०:३० बजेकाे समयमा किशोरीलाई जबरजस्ती करणी गरेको आरोप रहेको एक स्रोतले जनाएको छ।
किशोरी राति आफ्नो साैच गर्नका लागि निक्लिएकाे र साेही समयमा पीडितलाई सिटी सफारीमार्फत विद्यालय परिसरमा सलले मुख बाँधेर लगिएको आरोप छ।
विद्यालयमा राति सिटी सफारी छिरेकाे देखेर स्थानीयमा हल्ला मच्चेकाे र एकाएक गाउँले भेला हुनथालेको थियाे ।
गाउँलेहरुले थाहा पाउने बित्तिकै हल्ला मच्दा र विद्यालय घेराउ गर्न थालेपछि आराेपित फरार भएकाे र सिटी चालक पनि फरार हुन खाेज्दा गाउँलेहरुले उनलाई समाति प्रहरीलाई बुझाएकाे स्थानीयले जानकारी दिए ।
पीडित परिवार स्रोतका अनुसार प्रहरीले सिटी चालक काेशी गाउँपालिका वडा नं-३ का रवीन्द्र कुमार साह र किशोरीलाई शुक्रबार राति नै जिल्ला प्रहरी कार्यालय सुनसरी ल्यायी अनुसन्धान थालेकाे थियाे।
त्यस्तै आज बैशाख ५ गते शनिबार पीडित परिवारले आरोपित र सिटी चालकविरुद्ध जाहेरी दिएको छ।
पिडित परिवारले भने “हामी अन्यायमा परेका छाैं घटनालाई ढाकछोप नगरी आराेपितलाई पक्राउ गरि कानुन बमोजिम कार्वाही हुनुपर्छ ।”
जिल्ला प्रहरी कार्यालय सुनसरीले घटनाबारे अनुसन्धान भइरहेको जनाएको छ।
यश बिषयमा आरोपित पक्षसँग प्रतिक्रिया लिन प्रयास गरिएको तर सम्पर्क हुन सकेन।
