इनरुवा । सुनसरीको भोक्राहा नरसिंह गाउँपालिका ५ टपराटोलबाट अवैध लागूऔषध गाँजा सहित १ जना पक्राउ परेका छन् ।
५८ केजी ३ सय ग्राम गाँजा सहित धरान उपमहानगरपालिका १५ बस्ने २१ वर्षीय सनिल राई पक्राउ परेका हुन् ।
प्रहरी चौकी चिरौली चोकबाट खटिएको प्रहरीलाई देख्नासाथ इनरुवाबाट लौकहीतर्फ जाँदै गरेको हाल नम्बर नखुलेको मोटरसाइकलमा सवार २ जना व्यक्तिहरू भाग्न खोज्दा मोटरसाइकलमा सवार राईलाई उक्त परिमाणको गाँजा सहित पक्राउ गरेको हो ।
मोटरसाइकल सहित फरार भएका चालकको खोजी गर्नुका साथै आवश्यक अनुसन्धान गरिरहेको सुनसरी प्रहरीले जनाएको छ।
