इनरुवा । सहकारी क्षेत्रमा १० वर्षदेखी सकृय रहेको सुनसरीको इनरुवा नगरपालिका ५ बलाहाको बलाहा बचत तथा ऋण सहकारी संस्था लि.को वार्षिक सधाराण सभा सम्पन्न भएको छ ।
बलाहा बचत तथा ऋण सहकारी संस्था लिमिटेडको १० औं वार्षिक साधारण सभाले प्रस्ताव गरेको सवाल र आयव्यय पारित गरेको छ ।
शनिबार इनरुवामा भएको सभाले आर्थिक वर्ष ०७८/०७९ असार मसान्त सम्मको संस्थाको आर्थिक गतिविधि लेखापरिक्षण प्रतिवेदन सर्वसम्मतले पास गरेको हो ।
संस्थाले आव ०७८/०७९ मा २७ हजार ३ सय ८८ खुद नाफा आर्जन गर्न सफल भएको छ । कार्यक्रमका संस्थाका अध्यक्ष तेज बिनोद रिजालले आफ्नो मन्तव्य राख्दै सहकारी ऐनलाई मर्यादित रुपमा कार्यान्वयन गर्न सबै सहकारीकर्मीहरुलाई आग्रह गर्नुभयो ।
वहाँले दशौ वर्षसम्म संस्थालाई सफलता दिलाउनेहरुलाई धन्यवाद दिंदै आगामी दिनमा सञ्चालक, शेयर सदस्य र कर्मचारी तीनै पाटालाई समेटेर अझ उत्कृष्ट सफलता हासिल गर्ने प्रतिवद्धता जनाउनुभयो ।
सभामा सञ्चालक समितिको तर्फबाट संस्थाका अध्यक्ष रिजालले आर्थिक वर्ष ०७८/०७९ को प्रतिवेदन प्रस्तुत गर्दै संस्थाले प्रदान गर्ने सेवा सुविधालाई प्रयोग गर्न सबैमा आग्रह गर्नुभयो ।
कार्यक्रममा इनरुवा नगरपालिका वडा नं–५ का वडा अध्यक्ष अनिल कुमार पोखरेलले शुभकामना मन्तव्य राख्दै आफु लगायत इनरुवा–५ वडा कार्यालयले नियम कानुन अनुसार जे गर्न सकिन्छ गर्ने छौं भनेर बताउनु भयो ।
संस्थाले बलाहामा आफ्नो राम्रो पकड जमाएकाले २३५ महिला र २३४ पुरुष गरि ४६९ सेयर सदस्य रहेको छ । यसमा सेयर रकम ३४ लाख ५२ हजार ९०० रुपियाँ रहेको छ ।
