सप्तरी क्षेत्र नम्बर २ मा लोकतान्त्रिक–वाम गठबन्धन फराकिलो मत अन्तरले विजयी हुने मतदाता

पंकज शाह निखिल
कार्तिक ३०गते, राजबिराज । सप्तरी क्षेत्र नम्बर २ मा लोकतान्त्रिक–वाम गठबन्धन फराकिलो मत अन्तरले विजयी हुने मतदाताहरुले बताएका छन् ।
लोकतान्त्रिक समाजवादी पार्टीका नेता दीपेन्द्र चौधरीले यस क्षेत्रका जनता नयाँ अनुहारलाई जिताउन चाहेको बताए ।
पुरानो अनुहारलाई विदाई गरेर नयाँ अनुहारलाई जिताउन यहाँका युवा, महिला र मतदाताहरु चुनावी मैदानमा दिनरात खटिरहेको उनको भनाई छ ।
लोकतान्त्रिक वाम–गठबन्धनका तर्फबाट सप्तरी क्षेत्र नम्बर २ मा प्रतिनिधिसभा सभा सदस्यका लागि जयप्रकाश ठाकुरले उम्मेदवारी दिएका छन् भने प्रदेश सभा (क) मा सरोज मण्डल र प्रदेशसभा (ख) मा उमेश कुमार यादवले उम्मेदवारी दिएका हुन् । ‘उम्मेदवारलाई बिजयी गराउन यतिखेर कार्यकर्ताहरु कमर कसेर लागि परेका छन् । हामी फराकिलो अन्तरबाट जित हासिल गर्नेछौं’ नेता चौधरीले दावी गरे ।
एकिकृत समाजवादी पार्टीका बुथ कमिटि अध्यक्ष उमेशनारायण यादवले यस क्षेत्रमा हाम्रो गठबन्धकै उम्मेदवार जित्नेमा शंका नरहेको बताए । नेकपा माओवादी केन्द्रका जिल्ला कमिटि सदस्य बिनोद कुमार यादवले सत्तारुढ पाँच पार्टी मिलेगर बनेको गठबन्धनलाई जिताउन कार्यकर्ताहरु लागि परेको बताए ।
माओवादी पार्टी समर्थक गीता चौहानले यस क्षेत्रको विकासका लागि सत्ता गठबन्धन जित्नुको अर्को विकल्प नरहेको बताईन् । ‘हाम्रा गठबन्धनका सबै उम्मेद विकास प्रेमी हुन् । विकास चाहिएको छ भने जनताले जिताउनै पर्छ’ उनले भनिन् । पुर्व मन्त्री उमेश कुमार यादवले गरेका विकासिय कामहरु बारे चर्चा गर्दे चौहानले लोकतान्त्रिक वाम–गठबन्धनका उम्मेरवारलाई नै भोट दिने बताए । काँग्रेसका स्थानिय नेत नेता मो सलिमले सत्ता गठबन्धनका सबै उम्मेदवार विजयी हुने दावी गरे ।